12:07, 24 - مامىر 2016 | GMT +5
بايكال كولى ارال تاعدىرىن قايتالاۋى مۇمكىن
استانا. قازاقپارات - بايكال كولىندە ەكولوگيالىق قاۋىپ ءتونىپ وتىر جانە شارالار قولدانباسا، كەزىندە ارال تەڭىزىندەي جوعالىپ كەتۋى مۇمكىن،
دەپ جازادى ەل ۇكىمەتى مەن جەتەكشى ەنەرگەتيكالىق كومپانيالارداعى دەرەككوزدەرگە سىلتەمە جاساعان «يزۆەستيا» گازەتى.
موڭعوليانىڭ سەلەنگا وزەنىندە (كولگە 80 پايىزعا دەيىن سۋدىڭ كەلۋىن قامتاماسىز ەتەدى) جانە ونىڭ تارماقتارىندا ءۇش ءىرى گيدروستانسانى سالۋ جوسپارى بايكالدىڭ ەكولوگياسىنا قايتا ورنى تولمايتىنداي زاردابىن تيگىزۋى مۇمكىن. ەنەرگەتيكا مينيسترلىگىندە وتكەن جابىق كەڭەستە وسىنداي مالىمەتتەر كەلتىرىلگەن.
