مينيستر بەيبىت شۇمەنوۆتى الەم چەمپيونى اتانۋىمەن قۇتتىقتادى
بۇل تۋرالى ق ر م س م سپورت كوميتەتىنەن حابارلادى.
«ءسىزدى جارقىن جەڭىسىڭىزبەن شىن جۇرەكتەن قۇتتىقتاۋعا رۇقسات ەتىڭىز! بۇل جولى تاعى ءبىر مارتە قازاقستاننىڭ اتىن الەمگە ءماشھۇر ەتىپ، ەلىمىزدىڭ ەر ۇلانى ەكەنىڭىزدى دالەلدەدىڭىز. ءسىز جارتىلاي اۋىر سالماقتا الەم چەمپيونىسىز، ەندى وعان WBA تۇجىرىمى بويىنشا ءبىرىنشى اۋىر سالماقتاعى الەم چەمپيونىنىڭ بەلدىگىن قوسا ۇتتىڭىز. قازاقستان بوكسشىلارى اراسىندا العاشقى بولىپ ەكى سالماق دارەجەسىندە چەمپيون اتانىپ وتىرسىز، بۇل ءبىز ءۇشىن ۇلكەن مارتەبە. دەنىڭىزگە ساۋلىق، وتباسىڭىزعا اماندىق تىلەي كەلە، ەلىمىزدىڭ كوك بايراعىن اسقاقتاتىپ، جەڭىستى جولىڭىزدىڭ جالعاسا بەرۋىنە تىلەكتەسپىن»، - دەلىنگەن ءمينيستردىڭ قۇتتىقتاۋ حاتىندا.
ەستەرىڭىزگە سالا كەتەيىك، وتكەن سەنبى 21- مامىر كۇنى قازاقستاندىق بوكسشى بەيبىت شۇمەنوۆ لاس-ۆەگاس قالاسىندا 12 راۋندتىق كەزدەسۋدە امەريكالىق دجۋنيور رايتتى 10- راۋندتا تەحنيكالىق نوكاۋتپەن تىزە بۇكتىرىپ، WBA نۇسقاسىنىڭ ءبىرىنشى اۋىر سالماقتاعى تۇراقتى چەمپيونى تيتۋلىن جەڭىپ الدى. ەندى بەيبىت شۇمەنوۆ جانە رەسەي بىلعارى قولعاپ شەبەرى دەنيس لەبەديەۆ الداعى 120 كۇن ىشىندە ءوزارا جەكپە-جەك ۇيىمداستىرۋى كەرەك.
