قانات يسلام: شۇمەنوۆ - حاس باتىردىڭ ءوزى، مەن ونى ۇلگى تۇتامىن
«بۇگىن وتە جاقسى كۇن بولدى. تاڭ جاقسى جاڭالىقپەن باستالدى. مەن تەز ارادا بەيبىتكە حابارلاسىپ، جەڭىسىمەن قۇتتىقتادىم. شۇمەنوۆتىڭ بۇگىنگى جەڭىسىمەن بارشا قازاقستاندىقتاردى قۇتتىقتايمىن! ونىڭ ءاردايىم جەڭىسكە جەتىپ، ەلىمىزدىڭ كوك بايراعىن كوتەرە بەرۋىنە تىلەكتەسپىن»، - دەدى قانات يسلام.
«شۇمەنوۆتىڭ بوكس تاعدىرى وتە قيىن. ول جاتتىقتىرۋشىسىز، مەنەدجەر مەن پروموۋتەرسىز بولدى. بوكس الەمىندە وعان تالاي رەت قيىندىقتار كەزدەستى. ايتسە دە ول مويىمادى. مەن ونى وسى قيىندىقتارعا مويىماعانى ءۇشىن قاتتى قۇرمەتتەيمىن. مەن ونى ۇلگى تۇتىپ، ەلىكتەيمىن. قاسىندا قانشا كومەكشىلەرى جۇرسە دە ول جەتكەن جەتىستىكتەرگە جەتە الماي جۇرگەندەر بار. مەن ءۇشىن ول ناعىز باتىر ىسپەتتەس. مەن ونىمەن سويلەسكەن كەزدە ول ماعان ەرتەڭ-اق شارشى الاڭعا شىعۋعا دايىن ەكەندىگىن ايتتى. ادامدار رينگكە شىعۋ ءۇشىن ايلاپ دايىندالادى عوي، بۇل بەيبىتتىڭ دايىندىعىنىڭ وتە جوعارى دەڭگەيدە ەكەنىن كورسەتەدى. جانە كەز كەلگەنى بۇندايدى ايتا المايدى دا»، - دەدى قانات يسلام.
ەسكە سالا كەتەيىك، قازاقستاندىق بوكسشى بەيبىت شۇمەنوۆ امەريكالىق بوكشسى دجۋنيور رايتتى جەڭىپ، WBA نۇسقاسى بويىنشا ءبىرىنشى اۋىر سالماقتا «تۇراقتى» الەم چەمپيونى تيتۋلىن جەڭىپ الدى. ەندى بەيبىت شۇمەنوۆ جانە رەسەي بىلعارى قولعاپ شەبەرى دەنيس لەبەديەۆ الداعى 120 كۇن ىشىندە ءوزارا جەكپە-جەك ۇيىمداستىرۋى كەرەك، دەپ حابارلادى Vesti.kz.
