قوعامدىق قاۋىپسىزدىكتى قورعاۋ بويىنشا ءتيىستى شارالار قابىلداندى - ق ر ءى ءى م

استانا. قازاقپارات - بۇگىندە قۇقىق قورعاۋ ورگاندارى قوعامدىق ءتارتىپتى قورعاۋ، سونداي- اق ازاماتتاردىڭ كونستيتۋتسيالىق قۇقىقتارى مەن قاۋىپسىزدىكتەرىن قورعاۋ بويىنشا ءتيىستى شارالار قابىلدادى،

دەپ حابارلايدى ق ر ءى ءى م باسپا ءسوز قىزمەتى.

بۇعان دەيىن ينتەرنەتتە جانە WhatsAp مەسسەندجەرىنىڭ كومەگىمەن زاڭسىز بۇقارالىق نارازىلىق اكسيالارىن ۇيىمداستىرۋ ارەكەتتەرى جاسالىپ، وسىعان ارانداتۋشىلىق شاقىرۋلارى تاراتىلدى.

 «جەر ماسەلەسى بويىنشا بەيبىت پىكىرلەر ايتۋ ءۇشىن جينالۋدى سىلتاۋ ەتۋدىڭ ارجاعىندا قوعامدىق قاۋىپسىزدىكتى بۇزۋدى ۇيىمداستىرۋعا باعىتتالعان قۇقىققا قارسى ارەكەتتەر دايىنداۋ، بۇزاقىلىق ارەكەتتەر مەن جاپپاي تارتىپسىزدىكتەر جاساۋ پيعىل بولدى، سونىڭ سالدارىنان الدانعان ادامداردار زارداپ شەگۋى مۇمكىن ەدى»، دەلىنگەن حابارلامادا.

بۇل رەتتە شاقىرۋلار، زاڭسىز ميتينگىنى ۇيىمداستىرۋ، وعان قاتىسۋ ق ر اكىمشىلىك جانە قىلمىستىق جاۋاپكەرشىلىككە تارتىلادى: ا ق ب ت ك 488-بابى «قازاقستان رەسپۋبليكاسىنىڭ بەيبىت جينالىستارىن، ميتينگىلەرىن، شەرۋلەرىن، پيكەتتەرى مەن دەمونستراتسيالارىن ۇيىمداستىرۋ مەن وتكىزۋدىڭ ءتارتىبى تۋرالى زاڭناماسى بۇزۋ»، ق ر ق ك- ءنىڭ 174-بابى «الەۋمەتتىك، ۇلتتىق، رۋلىق، ناسىلدىك نەمەسە ءدىني ارازدىقتى تۋدىرۋ»، 400-باپ «جينالىستار، ميتينگىلەر، شەرۋلەر، پيكەتتەر مەن دەمونستراتسيالاردى ۇيىمداستىرۋ مەن وتكىزۋدىڭ ءتارتىبى تۋرالى زاڭناماسى بۇزۋ».

ازاماتتاردىڭ قاۋىپسىزدىگىن قامتاماسىز ەتۋ ءۇشىن قۇقىق قورعاۋ ورگاندارى قوعامدىق قاۋىپسىزدىكتى بۇزۋعا باعىتتالعان ارەكەتتەردىڭ، بۇزاقىلىقتىڭ جانە جاپپاي تارتىپسىزدىكتىڭ زاڭعا قايشىلىعى تۋرالى تۇسىندىرمە جۇمىسىن جۇرگىزدى.

 اتاپ ايتقاندا، جالپىعا قول جەتىمدى كوزدەر ارقىلى، ونىڭ ىشىندە بۇقارالىق اقپارات قۇرالدارى ارقىلى بەيبىت ميتينگىلەر، شەرۋلەر، ۇيىمداستىرۋ مەن وتكىزۋدىڭ ءتارتىبى تۋرالى زاڭنامانىڭ ەرەجەلەرى جانە زاڭسىز اكتسيالار وتكىزۋگە شاقىرۋ مەن ولارعا قاتىسقانى ءۇشىن جاۋاپكەرشىلىككە تارتىلاتىنى ءتۇسىندىرىلدى.

بۇگىندە قۇقىق قورعاۋ ورگاندارى قوعامدىق ءتارتىپتى قورعاۋ، سونداي- اق ازاماتتاردىڭ كونستيتۋتسيالىق قۇقىقتارى مەن قاۋىپسىزدىكتەرىن قورعاۋ بويىنشا ءتيىستى شارالار قابىلدادى.

 رۇقسات ەتىلمەگەن ميتينگتى ۇيىمداستىرۋدى ارەكەتتەنۋگە تالپىنعان ءبىرقاتار ۇيىمداستىرۋشىلار مەن بەلسەندى قاتىسۋشىلار قازاقستان رەسپۋبليكاسىنا زاڭناماسىنا سايكەس ۇستالىنىپ، ودان ءارى شارا قولدانۋ ءۇشىن ىشكى ىستەر ورگاندارىنا جەتكىزىلدى.

 وكىنىشكە وراي، ءبىرقاتار اۋماقتاردا ب ا ق وكىلدەرى دە ۇستالعان. ولاردىڭ جەكە تۇلعالارى مەن جۇمىس ورىندارى انىقتالعان سوڭ بوساتىلدى.