دەنساۋلىق: اسكوكتىڭ ەمدىك قاسيەتتەرى جانە ۇيدە جاساۋعا بولاتىن تۇنبالار

استانا. قازاقپارات - بۇل وسىمدىك اس ازىرلەۋدە كەڭىنەن قولدانىلىپ، تاماققا ەرەكشە ءدام بەرەتىن تاماشا دامدەۋىشتەردىڭ ءبىرى.

اسكوكتىڭ ادام اعزاسىنا پايدالى ەكەنى بارلىق جەردە ءمالىم. سوندىقتان، ونى كوپ تۇتىنادى. ءبىراق، ونىڭ ەمدىك قاسيەتتەرى جايلى كوپ ادام بىلە بەرمەيدى، دەپ جازادى anabol.kz.

اسكوكتىڭ پايدالى قاسيەتتەرى:

اسكوكتىڭ پايدالى قۇرامى ديزەنتەريا، ديارەيا، جۇقپالى اۋرۋلار كەزىندە، ۇيقى بۇزىلعاندا جاقسى كومەكتەسەدى. ول قان قىسىمىن تومەندەتىپ، جۇيكە جۇيەسىن تىنىشتاندىرۋعا قابىلەتتى. بۇگىن سىزدەرگە ءۇي جاعدايىندا اسكوكتەن ءدارى جاساۋعا ارنالعان رەتسەپتەر ۇسىنامىز. بۇلاردى كەز كەلگەن ادام كوپ شىعىندانباي- اق جاساۋعا بولادى.

1) كوزدىڭ وتكىرلىگى تومەندەپ، كوز تەز شارشايتىن بولسا، سىزگە اسكوكتىڭ تۇقىمى كومەكتەسەدى. ول ءۇشىن اسكوكتىڭ تۇقىمىنان كومپرەسس جاساۋ قاجەت. اسكوكتىڭ تۇقىمىن داكەگە سالىپ، ءبىراز ۋاقىت جىلى جەرگە قويۋ كەرەك، سودان سوڭ، ونى كوزگە 20 مينۋت قويامىز. 20 مينۋتتان سوڭ كوزىڭىزدە ايتارلىقتاي جەڭىلدىك سەزىنەسىزدەر. بۇل ءادىس سونداي- اق، كوز اينالاسىنداعى اجىمدەردى تەگىستەيدى. ءىسىنۋ جانە قاباقتىڭ قىزارۋىن ازايتادى.

2) اسكوكتى كەپتىرىپ، جاعىپ، كۇلىن جازىلماي جۇرگەن جاراعا سەپسە، ول تەز جازىلادى. ۇرىق ءدانىن ۇنتاقتاپ اۋىزعا سالىپ سورىپ جۇرسە، ىستىقتى قولما- قول تىيادى.

3) ونىڭ ۇرىق دانىمەن قوسا كەپتىرگەن ساباعىنىڭ ۇنتاعىنان 2 اس قاسىق سالىپ، جارتى ليتر سۋعا قايناتىپ ىشسە، ءىشتى جۇرگىزىپ، اسقازاندى، ىشەكتى تازالايدى.

4) قاراپايىم تۇنبا. 1 اس قاسىق كەپتىرىلگەن اسكوكتى 0,5 ليتر سۋعا سالىپ، 1 ساعات تۇندىرامىز. ءدارى دايىن. بۇل تۇنبانى جارتى ستاقاننان كۇنىنە 3 رەت ءىشۋ قاجەت. بۇل تۇنبا اسقازان، ىشەك، اۋرۋلارىندا پايدالى. ديارەيا، ءىشتىڭ قاتۋى (زاپور) سىندى اۋرۋلاردى دا ەمدەيدى.

جاس انالارعا اسكوكتى كوپ تۇتىنۋ وتە پايدالى جانە پسيحولوگيالىق اۋرۋلار كەزىندە دە تاپتىرمايتىن قۇرال.