ءبىر اياعى جوق امەريكالىق جاۋىنگەر ەۆەرەستكە شىقتى

استانا. قازاقپارات - امەريكالىق ايداحو شتاتىنىڭ وتىز جاستاعى تۋماسى اۋىر جاراقات العان مۇگەدەك جاۋىنگەر ەۆەرەست تاۋىنا كوتەرىلدى، دەپ حابارلايدى CBS News اگەنتتىگى.

بۇل تۋرالى اقپاراتتى 19 -مامىردا اسكەري قىزمەتتىڭ ارداگەرلەرىن ساۋىقتىرۋمەن اينالىساتىن جوبا قاتىسۋشىلارى جاريا ەتتى. تەڭىز جاياۋ اسكەرىنىڭ وتستاۆكاداعى سەرجانتى 8,8 مىڭ مەتر بيىك شىڭعا شىقتى.

لينۆيلل مەن ونىڭ كومانداسى تيبەتتەگى تاۋ باسىنا شىعۋعا دايىندالۋ ءۇشىن ءساۋىر ايىندا اتتانعان. ولار 20 -مامىردا شىڭ باسىنان تومەن ءتۇسۋدى باستادى.

لينۆيلل 2011 -جىلى اۋعانستاندا بومبا جارىلىسى كەزىندە تىزەدەن تومەن وڭ اياعىنان ايىرىلعان. ول پروتەزبەن الەمدەگى ەڭ بيىك شىڭعا كوتەرىلدى.

ولار ءۇش مارتە وسى تاۋعا شىعۋعا ارەكەت ەتتى. الايدا جولدارى بولمادى. ءبىر جولى تاڭداپ العان باعىتتى قار كوشكىنى باسىپ قالدى، كەلەسى جولى 2014 -جىلى جەر سىلكىنىسى بولدى.