شىمكەنتتە ءبىر توپ ادامدى قاعىپ كەتكەن جۇرگىزۋشى كۋالىكسىز جۇرگەن
1997 -جىلعى جاس جىگىت «اۋدي» كولىگىن اكەسىنە ايتپاي ءمىنىپ كەتكەن. «جۇرگىزۋشى جىلدامدىققى قاتتى اسىرىپ كەلە جاتقان. رۋلگە يە بولا الماي قالعان ول جاياۋ جۇرگىنشىلەرگە ارنالعان جولمەن كەلە جاتقان ءبىر توپ ادامدى بارىپ قاققان»، - دەدى ءى ءى د باسپا ءسوز قىزمەتىنىڭ جەتەكشىسى.
ەسكە سالا كەتەيىك، جول اپاتى سالدارىنان 4 جاستاعى بالا كوز جۇمعان بولاتىن. ەكى ايەل اۋرۋحاناعا جەتكىزىلىپ، ولاردىڭ ءبىرى ۇيىنە جىبەرىلسە، ەكىنشىسى جان ساقتاۋ بولىمىنە جاتقىزىلدى. وبلىستىق بالالار اۋرۋحاناسىنا باس دارىگەردىڭ ورىنباسارىنىڭ ايتۋىنشا، 5 بالا كەلىپ تۇسكەن. ولاردىڭ ۇشەۋى قاجەتتى كومەك كورسەتىلگەننەن كەيىن ۇيلەرىنە قايتارىلىپ، ەكەۋى اۋرۋحاناعا جاتقىزىلدى. تاعى قالالىق بالالار اۋرۋحاناسىنا جاتقىزىلعان تاعى ءبىر بالانىڭ جاعدايى اۋىر.
وقيعاعا قاتىستى ق ر ق ك 345-بابى بويىنشا سوتقا دەيىنگى تەرگەۋ امالدارى جۇرگىزىلۋدە. جۇرگىزۋشى ۋاقىتشا ۇستاۋ يزولياتورىنا قامالدى. ساراپتاما جۇرگىزۋ بارىسىندا 19 جاستاعى جىگىتتىڭ ىشىمدىك ىشپەگەنى بەلگىلى بولدى. باسقا دا ساراپتامالار جاسالىپ جاتىر.
