باس پروكۋرور ميتينگكە قاتىستى ارانداتۋلاردان اۋلاق بولۋعا شاقىردى - فوتو
«قازاقستاندىقتارعا جەر رەفورماسىنا قاتىستى رەسمي مالىمدەمە جاساۋعا رۇقسات بەرىڭىزدەر. ق ر پرەزيدەنتىنىڭ 2016 -جىل 6- مامىر كۇنگى جارلىعىمەن جەر كودەكسىنىڭ جەكەلەگەن نورمالارىنا موراتوري جاريالاندى.
مەملەكەت باسشىسىنىڭ تاپسىرماسىمەن ازاماتتىق قوعام ينستيتۋتتارىنىڭ جەتەكشىلەرى مەن بەلسەندىلەرى كىرەتىن جەر رەفورماسى بويىنشا كوميسسيا قۇرىلدى. ايماقتىق دەڭگەيدە ازاماتتار قوعامدىق كەڭەستەر ارقىلى كوميسسيا جۇمىسىنا قاتىسا الادى. كوميسسيا تالقىلاۋى اشىق وتۋدە، ونىڭ بارىسى ب ا ق بەتتەرىندە جاريالانىپ تۇرادى. «جەرتۋرالى. ك ز» سايتىندا ءوز ساۋالدارىن قويا الادى، ۇسىنىس- تىلەكتەرىن جەتكىزۋگە مۇمكىندىكتەرى بار. وسىلايشا، جەر ماسەلەسى بويىنشا، قوعامدىق، توپتىق جانە جەكە باس مۇددەلەرىن ەركىن جەتكىزۋگە جاعداي جاسالىپ وتىر»، - دەپ اتاپ ءوتتى ول بۇگىن ق ر باس پروكۋراتۋراسىنىڭ زاڭدىلىقتى قامتاماسىز ەتۋ كونسۋلتاتيۆتىك كەڭەسىنىڭ وتىرىسىندا.
دەگەنمەن، جەكەلەگەن تۇلعالار بۇل جاعدايلاردى جانە زاڭدى ەسكەرمەستەن، ورتاق سۇحباتقا كەلۋدەن باس تارتا وتىرىپ، حالىقتى ارانداتۋدى جالعاستىرۋدا، دەيدى باس پروكۋرور.
«قاساقانا ساياسيلاندىرۋ، الەۋمەتتىك جانە ۇلتتىق الاۋىزدىقتى ورشىتەتىن جالعان اقپاراتتى تاراتۋ ءجۇرىپ جاتىر. ونداي ارەكەتتەر ق ر زاڭناماسىنا قايشى كەلەدى. وسى ورايدا، قازاقستاندىقتارعا مۇنداي ارانداتۋعا مويىنسۇنباۋدى، تۇراقتىلىق پەن ءبىزدىڭ ازاماتتارىمىزدىڭ ومىرىنە قاۋىپ توندىرمەۋ ءۇشىن قاتاڭ ازاماتتىق ۇستانىم كورسەتۋگە شاقىرامىن»، - دەدى ج. اسانوۆ.
سونىمەن قاتار باس پروكۋرور زاڭسىز ميتينگكە شاقىرۋ، وعان قاتىسۋ اكىمشىلىك نەمەسە قىلمىستىق جاۋاپكەرشىلىككە اكەلەتىندىگىن دە تىلگە تيەك ەتتى.
«قۇقىق قورعاۋ ورگاندارى كەزكەلگەن زاڭبۇزۋشىلىقتى الدىن الۋعا جانە زاڭعا سايكەس قىلمىستىق قۋدالاۋعا دەيىن ءتيىستى شارالاردى قابىلداۋعا مىندەتتى»، - دەيدى ج. اسانوۆ.
