ا ق ش- تا گەي ەكەنىن اشىق ايتقان ادام العاش رەت ارميا ءمينيسترى بولدى

استانا. قازاقپارات - ا ق ش كونگرەسىنىڭ سەناتى ارميا ءمينيسترى قىزمەتىنە ءوزىنىڭ جىنىستىق ازشىلىق وكىلى ەكەنىن جاسىرمايتىن ەريك فەننينگتى بەكىتتى.

 فەننينگ ا ق ش قارۋلى كۇشتەرىندەگى ەڭ جوعارى لاۋازىمدى قىزمەتتەردىڭ ءبىرىن يەلەنگەن العاشقى جىنىستىق ازشىلىق وكىلى اتانىپ وتىر. (گەي ەركەكتى «ايەل» رەتىندە سۇيەدى)

سوڭعى بىرنەشە جىلدا فەننينگ ا ق ش قورعانىس مينيسترلىگىندە جوعارى لاۋازىمدى قىزمەتتەر اتقاردى، ونىڭ ىشىندە قورعانىس ءمينيسترىنىڭ ورىنباسارى بولدى. ونى ارميا ءمينيسترى ەتىپ بەكىتىلگەنىن ل گ ب ت (لەسبي، گەي، بيسەكسۋال، ترانسگەندەر) قوزعالىسىنىڭ وكىلدەرى ماڭىزدى حابار دەپ قابىلدادى.

 «ەريك فەننينگتىڭ ارميا ءمينيسترى قىزمەتىنە بەكىتىلۋى - قارۋلى كۇشتەرىمىزدەگى ادىلدىك پەن تەڭدىككە قاراي جاقىنداپ بارا جاتقانىمىزدى كورسەتەدى» دەپ مالىمدەدى Human Rights Campaign قۇقىق قورعاۋ ۇيىمىنىڭ پرەزيدەنتى چاد گريففين. سەناتتىڭ بۇل شەشىمىن كوپتەگەن ىقپالدى سەناتورلار قولدادى.

www.azattyq.org