بەيجىڭدە قازاقستاننىڭ ق ح ر شانشي پروۆينتسياسىمەن ىنتىماقتاستىعى تالقىلاندى
سونىڭ بارىسىندا پروۆينتسيا مەن قازاقستان رەسپۋبليكاسى اراسىنداعى ىنتىماقتاستىق ماسەلەلەرى تالقىلاندى.
ۆان ليسيا ەلشىنى قىتايدىڭ شىعىس جانە باتىس وڭىرلەرى اراسىنداعى ىنتىماقتاستىقتىڭ ساۋدا-ينۆەستيتسيالىق 20-جارمەڭكەسىمەن جانە «ۇلى جىبەك جولى» ەكسپو كورمەسىن وتكىزۋ ناتيجەسىمەن تانىستىردى.
ول «ۇلى جىبەك جولى ەكونوميكالىق بەلدەۋى» مەن «نۇرلى جول» جاڭا ەكونوميكالىق ساياساتىنىڭ ءتۇيىسۋى اياسىندا قازاقستانمەن ىنتىماقتاستىققا شانشي پروۆينتسياسى كاسىپكەرلەرىنىڭ قىزىعۋشىلىعى ارتىپ وتىرعانىن اتاپ ءوتتى.
تاراپتار ساۋدا-ەكونوميكالىق ىنتىماقتاستىق قۇرىلىمدارىن جاقسارتۋ، الداعى شيان قالاسىندا 2016-جىلعى 24-25- مامىردا وتەتىن گەندەرلىك تەڭدىك ماسەلەلەرى بويىنشا G-20 سامميتىنە قازاقستاندىق دەلەگاتسيانىڭ قاتىسۋ ماسەلەلەرى بويىنشا پىكىر الماستى.
ش. نۇرىشەۆ ۆيتسە-گۋبەرناتوردى «ۇلى جىبەك جولى» ەكسپو كورمەسىنىڭ ءساتتى وتۋىمەن قۇتتىقتادى جانە كورمە بارىسىندا قازاقستاندىق دەلەگاتسياعا جاقسى جاعداي جاساعانى ءۇشىن العىس ءبىلدىردى.
قازاقستاندىق ديپلومات شانشي پروۆينتسياسىنداعى جاڭعىرتىلاتىن جانە بالامالى قۋات كوزدەرى سالاسىنداعى كاسىپورىنداردى ەكسپو-2017 كورمەسىنە قاتىسۋعا شاقىردى.
