ەلباسى فرانسيا جانە مىسىر پرەزيدەنتتەرىنە كوڭىل ايتتتى

استانا. قازاقپارات - مەملەكەت باسشىسى نۇرسۇلتان نازاربايەۆ فرانسۋز رەسپۋبليكاسىنىڭ پرەزيدەنتى فرانسۋا وللاندقا جانە مىسىر اراب رەسپۋبليكاسىنىڭ پرەزيدەنتى ابدەل فاتتاح ءاس-سيسيگە كوڭىل ايتۋ جەدەلحاتتارىن جولدادى.

بۇل تۋرالى اقوردانىڭ باسپا ءسوز قىزمەتى.

جەدەلحاتتا مىسىرلىق اۆياكومپانيا ۇشاعىنىڭ اپاتقا ۇشىراۋى سالدارىنان كوپ ادامنىڭ قازا بولعانى تۋرالى حاباردى مەملەكەت باسشىسىنىڭ زور كۇيزەلىسپەن قابىلداعانى اتاپ وتىلگەن.

نۇرسۇلتان نازاربايەۆ قازا بولعانداردىڭ تۋعان- تۋىستارى مەن جاقىندارىنا، سونداي-اق مىسىر جانە فرانسۋز حالىقتارىنا قازاقستان حالقىنىڭ جانە جەكە ءوزىنىڭ اتىنان كوڭىل ايتتى.

ەسكە سالا كەتسەك، بۇگىن مىسىردىڭ ازاماتتىق اۆياتسيا مينيسترلىگى EgyptAir اۆياكومپانياسىنىڭ A320 لاينەرىنىڭ اپاتقا ۇشىراعانىن راستادى. ۇشاق كۇندىز پاريجدەن كايرگە بەت العان، مىسىر جاعالاۋىنان شامامەن 280 شاقىرىم جەردە راداردان جوعالىپ كەتتى.

ۇشاقتا 12 مەملەكەتتىڭ ازاماتتارى بولعان. جولاۋشىلاردىڭ جالپى سانى - 56. ەكيپاج مۇشەلەرى سەگىز نەمەسە توعىز بولۋى مۇمكىن دەپ حابارلانۋدا.