ەلباسى د. اقىشەۆقا ۇلتتىق ۆاليۋتانىڭ باعامىنىڭ كۇرت اۋىتقۋىنا جول بەرمەۋدى تاپسىردى
كەزدەسۋ بارىسىندا مەملەكەت باسشىسى ۇلتتىق بانكتىڭ 2015 -جىلعى ەسەبىن تىڭدادى.
نۇرسۇلتان نازاربايەۆ ينفلياتسيا ۇدەرىستەرىن جىل اياعىنا دەيىن تۇراقتاندىرۋ، ۇلتتىق ۆاليۋتانىڭ ايىرباس باعامىنىڭ كۇرت اۋىتقۋىنا جول بەرمەۋ جانە ەكىنشى دەڭگەيلى بانكتەردىڭ ەكونوميكانى نەسيەلەندىرۋىن قامتاماسىز ەتۋ قاجەتتىگىن ايتتى.
د. اقىشەۆ وتكەن جىلدىڭ قازاقستان ەكونوميكاسى ءۇشىن وڭاي بولماعانىن، سوعان بايلانىستى اقشا- نەسيە ساياساتى تۇبەگەيلى وزگەرتىلگەنىن اتاپ ءوتتى. بۇل رەتتە 2016 -جىلى ۆاليۋتا، اقشا جانە جالپى قارجى نارىعىندا تۇراقتانۋ نىشانى بايقالىپ وتىر. ۇلتتىق بانك ءتوراعاسى ورتا مەرزىمدى كەزەڭدە ەل تۇرعىندارى مەن كاسىپورىندارى ءۇشىن وڭ ناتيجەلەر، سونىڭ ىشىندە نەسيەلەۋدىڭ جاندانۋى كۇتىلىپ وتىرعانىنا نازار اۋداردى.
مەملەكەت باسشىسى كەزدەسۋ قورىتىندىسى بويىنشا ءبىرقاتار ناقتى تاپسىرما بەردى.
