ب. ساعىنتايەۆ جەر رەفورماسى جونىندەگى كوميسسيانىڭ ءبىرىنشى اپتاداعى جۇمىسىن قورىتىندىلادى
بۇل تۋرالى بۇگىن ورتالىق كوممۋنيكاتسيالار قىزمەتىنىڭ بريفينگىسىنە قاتىسقان ق ر پرەمەر-ءمينيسترىنىڭ ءبىرىنشى ورىنباسارى، جەر رەفورماسى جونىندەگى كوميسسيانىڭ ءتوراعاسى باقىتجان ساعىنتايەۆ ءمالىم ەتتى.
«ەلباسىنىڭ تاپسىرماسىمەن قۇرىلعان جەر رەفورماسى جونىندەگى كوميسسيا وتكەن سەنبىدە ءوز جۇمىسىن باستاعان بولاتىن. سول ءبىر اپتا ارالىعىندا اتقارىلعان ءىس- شارالار تۋرالى مالىمەت بەرەيىك دەپ وتىرمىز. وتكەن سەنبىدەگى وتىرىستا ايتىلعانداي، اۋىل شارۋاشىلىعى مينيسترلىگى جانىنان شتاب قۇردىق، سول شتاب ءوز جۇمىسىن باستاپ كەتتى. جانە كوميسسيانىڭ حاتشىلىعى دا ءوز جۇمىسىن باستادى. قازىر كوميسسيا مۇشەلەرى ايتىپ جاتقان جانە قاراپايىم حالىقتان كەلىپ جاتقان ۇسىنىستاردىڭ بارلىعى شتابتا تالقىلانىپ، سەنبى، 21 -مامىر كۇنگى كەزەكتى وتىرىسىمىزدا قورىتىندى شىعارىلادى. وعان قوسا، كوميسسيانىڭ call-ورتالىعى جۇمىس ىستەيدى. تەلەفون ءنومىرى - 1434. بۇل ءنومىردى دە وتكەن سەنبى كۇنى جاريا ەتكەنبىز. سودان بەرى، ياعني، ءبىر اپتا ىشىندە وسى ءنومىر ارقىلى ايماقتاردان 700 دەن استام ۇسىنىس قابىلداندى، - دەپ ءمالىم ەتتى ب. ساعىنتايەۆ.
«ءاربىر ۇسىنىس قاراۋسىز قالمايدى»، - دەپ ۋادە ەتتى ب. ساعىنتايەۆ. «جەر ماسەلەسىنە قاتىستى ۇسىنىستاردىڭ بارلىعى كوميسسيانىڭ قاراۋىنا شىعارىلادى. سونىمەن قاتار، الەۋمەتتىك جەلىلەردەگى جانە بۇقارالىق اقپارات قۇرالدارىندا جازىلىپ جاتقان ۇسىنىس- پىكىرلەردىڭ بارلىعى قارالىپ جاتىر. ءاربىر ادام وسى جاندى تاقىرىپ جايلى ءوزىن تولعاندىرعان ويىن جەتكىزە الادى. ەلباسى اتاپ وتكەندەي، جەر ءۇشىن شىن جانى اۋىراتىن ادام ءوز ويىن اشىق ايتۋ كەرەك»، - دەدى ول.
اۆتور: كەنجەكەي توقتامۇرات قىزى
