اۆستريادا «ازبۋكا جيليا» كومپانيالار توبىنىڭ باسشىسى قازاقستاندىق ە. تايجانوۆ تۇتقىندالدى

استانا. قازاقپارات - اۆستريادا «ازبۋكا جيليا» كومپانيالار توبىنىڭ باسشىسى ەرقانات تايجانوۆ تۇتقىندالدى.

بۇل تۋرالى قازاقپارات تىلشىسىنە ق ر ىشكى ىستەر مينيسترلىگى مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋبايەۆ ءمالىم ەتتى.

«اۆستريانىڭ قۇقىق قورعاۋ ورگاندارىمەن بىرلەسكەن جەدەل ىزدەستىرۋ شارالارى بارىسىندا سەنىپ تاپسىرىلعان مۇلىكتى يەمدەنۋى جانە تالان-تاراجعا سالعانى ءۇشىن قازاقستان ءى ءى م ينتەرپول ۇلتتىق ورتالىق بيۋروسى حالىقارالىق ىزدەۋ جاريالاعان تايجانوۆ ەرقانات شاراپات ۇلى ۇستالدى. تايجانوۆ 2012-2015 -جىلدارى ارالىعىندا «ازبۋكا جيليا» كومپانيالار توبىنىڭ ناقتى يەسى بولا تۇرىپ، ۇلەسكەرلەردىڭ 40 ميلليارد تەڭگەدەن اسام قارجىسىن قاساقانا ءارى زاڭسىز يەمدەنگەن. قازىرگى ۋاقىتتا ۇستالعاندى قازاقستان رەسپۋبليكاسىنا ەكستراديتسيالاۋ ماسەلەسى شەشىلۋ ۇستىندە»، - دەدى ول.

ايتا كەتەيىك، «ازبۋكا جيليا» قۇرىلىس كومپانيالارى توبىنىڭ باسشىلارىنان «ايسانام»، «ايسانام دە ليۋكس»، «كومسومولسكي»، «ExpoCity»، «ExpoTown»، «كومفورت»، «گارانت»، «جەتى جول»، «سادوۆىە كۆارتالى» جانە «ديناستيا» تۇرعىن ءۇي كەشەندەرىنىڭ ۇلەسكەرلەرى زارداپ شەكتى.

 اۆتور: مارلان جيەمباي