يزرايلدە دايۆەرلەر سۋعا باتقان ەجەلگى كەمەدەن قازىنا تاپتى

استانا. قازاقپارات - يزرايلدىك دايۆەرلەر كۇتپەگەن جەردەن كەيساريا كەمەجايىنىڭ ماڭىندا اجەلگى كەمە قاڭقاسىنىڭ ۇستىنەن شىقتى.

كەمەجايعا شاقىرىلعان ارحەولوگتار كورابلدىڭ بۇرىن ەجەلگى ريم تۇرعىندارىنىڭ مەنشىگىندە بولىپ، شامامەن 1,5 مىڭ جىل بۇرىن سۋعا باتقانىن مالىمدەدى. مامانداردىڭ ايتۋىنشا، كەمەنىڭ بورتىندا قولادان جاسالعان بۇيىمدار، مۇسىندەر، قۇمىرالار جانە اقشا بولعان.

ساراپشىلاردىڭ شامالاۋىنشا، كەمە اپاتى ءبىزدىڭ زامانىمىزدىڭ IV عاسىر ورتاسىندا ريم يمپەراتورى ۇلى كونستانتين بيلىگى كەزىندە ورىن العان.

انتيكا قۇدايلارىنىڭ قولا مۇسىندەرى مەن كوپتەگەن تيىندار، بارلىق جاساندى زاتتار وتە جاقسى ساقتالعان، دەپ جازادى «كومسومولسكايا پراۆدا» سايتى.