بەلگىلى تۇرىك اكتەرى كەنان يميرزالىوعلى ۇيلەندى - فوتو
ۇيلەنۋ تويىنا تۇركيانىڭ ءبىرقاتار بەلگىلى اكتەرلەرى مەن انشىلەرى كەلدى. 300 ادام شاقىرىلعان ۇيلەنۋ سالتاناتى جەرگىلىكتى ۋاقىت بويىنشا ساعات 18:00 شاماسىندا باستالدى. نەكە قيعاننان كەيىن جاس جۇبايلار قوناقۇي سىرتىنا شىعىپ، تىلشىلەرگە سۇحبات بەردى.
ەستەرىڭىزگە سالا كەتەيىك، كەنان سۇيىكتىسىنە ۇيلەنۋ تۋرالى ۇسىنىستى قاڭتار ايىندا جاساعان بولاتىن. ايتا كەتەيىك، تۇركيانىڭ قوس اكتەرى قازاقستاندىق كورەرمەندەرگە جاقسى تانىس. كەنان يميرزالىوعلى «اساۋ جۇرەك» تەلەحيكاياسى جانە «اجداھا تۇزاعى» فيلمىندەگى يۋسۋف ميروعلى ءرولى ارقىلى تانىلسا، سينەم كوبال «سىرلى ىستامبۇل» تەلەحيكاياسىنداعى سۋ مابەندجي رولىمەن تانىلدى. ايتا كەتەيىك، كەنان يميرزالىوعلى اكتەر عانا ەمەس، سونىمەن قاتار مودەل بولسا، سينەم دە سانبيكە ءارى كوپتەگەن فيلم مەن تەلەحيكايالاردىڭ ستسەنارييشىسى، دەپ جازادى 24.kz.
