استانادا دارىندى بالالارعا ارنالعان «سالتانات» بالى وتەدى
بۇل ماڭىزدى وقيعا قازاقستان ەلورداسىندا ءتورتىنشى رەت رەسپۋبليكالىق، حالىقارالىق عىلىمي جوبالار مەن جالپى ءبىلىم بەرەتىن پاندەردەن وليمپيادا جەڭىمپازدارى مەن جۇلدەگەرلەرىن قوشەمەتتەۋ ماقساتىندا وتكىزىلمەك. بيىلعى جىلى بال «استانا دارىنى» وڭىرلىك عىلىمي-پراكتيكالىق ورتالىعىنىڭ 10 جىلدىعىنا ارنالىپ وتىر.
2015-2016- وقۋ جىلى ەلوردا وقۋشىلارى ا ق ش- تاعى، برازيلياداعى، گرۋزياداعى، رەسەيدەگى، وڭتۇستىك كورەياداعى حالىقارالىق وليمپيادالار مەن عىلىمي جوبالار جارىستارىنان 268 مەدال الىپ كەلدى.
استانا قالاسىنىڭ وقۋشىلارى كومانداسى رەسپۋبليكالىق وليمپيادا مەن رەسپۋبليكالىق عىلىمي جوبالار كونكۋرسىندا 1- جالپى كوماندالىق ورىنعا يە بولدى جانە «ۇزدىك كوماندا» اتاندى. 2015-2016- وقۋ جىلىندا ەلوردانىڭ مەكتەپ وقۋشىلارى 97 جۇلدەلى ورىنداردى جەڭىپ الدى.
«سالتانات» بالىنىڭ قاتىسۋشىلارى استانا قالاسى مەكتەپتەرىنىڭ 10-11- سىنىپ وقۋشىلارى، 2014-2015- وقۋ جىلىنداعى رەسپۋبليكالىق، حالىقارالىق عىلىمي جوبالاردىڭ جانە وليمپيادالاردىڭ جەڭىمپازدارى.
بال باعدارلاماسىندا - 2015-2016- وقۋ جىلىنداعى رەسپۋبليكالىق وليمپيادالار مەن رەسپۋبليكالىق عىلىمي جوبالار كونكۋرسىندا التىن مەدالمەن ماراپاتتالعان استانا قالاسى مەكتەپتەرىنىڭ وقۋشىلارى مەن ولاردىڭ پەداگوگتەرىن قوشەمەتتەۋ جانە ماراپاتتار تاپسىرۋ كوزدەلگەن.
ماراپاتتاۋ ق ر ءبىلىم جانە عىلىم ءمينيسترى ە. ساعاديەۆتىڭ جانە استانا قالاسىنىڭ اكىمى ءا. جاقسىبەكوۆتىڭ قاتىسۋىمەن وتەدى. قۇرمەتتى قوناقتار رەتىندە ق ر پارلامەنتى مەن استانا قالاسى ءماسليحاتىنىڭ دەپۋتاتتارى، «نۇر وتان» پارتياسىنىڭ، ق ر ءبىلىم جانە عىلىم مينيسترلىگىنىڭ، «دارىن» ر ع پ و، استانا قالاسى اكىمدىگىنىڭ وكىلدەرى، ل. ن. گۋميليەۆ اتىنداعى ە ۇ ۋ، س. سەيفۋللين اتىنداعى قازاتۋ جانە م. ۆ. لومونوسوۆ اتىنداعى م م ۋ قازاقستاندىق فيليالىنىڭ عالىمدارى، استانا قالاسى ءبىلىم مەكەمەلەرىنىڭ باسشىلارى شاقىرىلدى.
