20:57, 16 - مامىر 2016 | GMT +5
ءۇندىستان بيلىگى ءىرى وزەندەردى قۇرعاقشىلىق جايلاعان اۋداندارعا بۇرۋ شەشىمىن قابىلدادى
استانا. قازاقپارات - ءۇندىستاننىڭ سۋ رەسۋرستارى ءمينيسترى ۋما بحاراتي ەل بيلىگىنىڭ ءىرى وزەندەردىڭ ءبىر بولىگىن قۇرعاق اۋداندارعا بۇرۋ جوباسىن ىسكە قوسپاق.
ەل ۇكىمەتىنىڭ باعالاۋىنشا، قۋاڭشىلىق سالدارىنان تىكەلەي نەمەسە جاناما تۇردە 330 ميلليونعا جۋىق ۇندىلىك ازامات زارداپ شەگىپ وتىر.
مامىر ايىنىڭ باسىندا ءۇندىستانعا جوعارى تەمپەراتۋرالار تولقىنى كەلدى - ەلدىڭ كوپتەگەن اۋداندارىندا تەرمومەتر باعانى سەلسي بويىنشا 40 گرادۋستان جوعارى كوتەرىلدى.
مينيسترلىكتىڭ جوباسىنا سايكەس، قۇرعاقشىلىق بولعان اۋداندار ءۇشىن سۋدى ءىرى وزەندەر - براحماپۋترا مەن گانگتان، سونداي-اق گيمالاي مۇزدىقتارىنان الۋعا بولادى.
«جۇرتشىلىق بۇل جوبانى قولداۋدا، كوشۋگە دە قۋانا كەلىسىپ وتىر»، - دەپ مالىمدەدى BBC اگەنتتىگىنە ەلدىڭ سۋ رەسۋرستارى ءمينيسترى.
