عالىمدار: جالاڭ اياق جۇگىرۋ مي ءۇشىن پايدالى

نۇر- سۇلتان. قازاقپارات - سولتۇستىك فلوريدا ۋنيۆەرسيتەتىنىڭ عالىمدارى قىزىق قورىتىندىعا كەلدى. ولاردىڭ ايتۋىنشا، ەگەر سالاۋاتتى ءومىر سالتىن ۇستانىپ، جۇگىرىپ جۇرگەن ادامدار ويلاۋ قابىلەتىن دە جاقسارتامىن دەيتىن بولسا، وندا جالاڭ اياق جۇگىرگەن پايدالى بولماق،

دەپ حابارلايدى UPI.com.

زەرتتەۋ تاجىريبەسىنە 18-44 جاس ارالىعىنداعى 72 ادام قاتىستى. سىناق بارىسىندا ولار 16 مينۋت بويى ءوز شامالارىنا قاراي جالاڭ اياق جۇگىرگەن كەزدە تاباندارىنا جولدا جاتقان ءتۇرلى نارسە باتقان. عالىمدار «ءدال وسى ءسات ادامنىڭ ميى ءۇشىن ماڭىزدى» دەيدى. سەبەبى تابانىنا تاس باتقان سايىن ادام ميدى ىسكە قوسىپ، تابانىن امان ساقتاۋ ءۇشىن ءاربىر قادامىن ويلاپ باسۋ ارقىلى ميدى جۇمىس ىستەتكىزەدى.

ەرىكتىلەر سىناققا دەيىن جانە كەيىن جادىنى تەكسەرەتىن تەست تاپسىرعان. تەست ناتيجەسىنە سايكەس، جالاڭ اياق جۇگىرگەندەردىڭ ەستە ساقتاۋ قابىلەتى %16- عا دەيىن ارتقان. ال اياقتان كروسسوۆكانى شەشپەي جۇگىرگەندەردە مۇنداي وزگەرىس بايقالماپتى. وقىمىستىلاردىڭ پايىمداۋىنشا، جالاڭ اياق جۇگىرۋ كەزىندە ميعا سالماق ءتۇسىپ، ويلاۋ قابىلەتى ارتادى.

www.24.kz