الماتىلىق «قايرات» ويىنىن جانكۇيەرلەر ەڭ كوپ تاماشالايتىن كلۋبقا اينالدى

الماتى. قازاقپارات - «قايرات» فۋتبول كومانداسى ەل بىرىنشىلىگىنىڭ العاشقى اينالىمىندا ويىنىن تاماشالاۋعا ەڭ كوپ جانكۇيەر كەلگەن كومانداعا اينالدى.

كلۋبتىڭ رەسمي سايتىنىڭ حابارلاۋىنشا، ءوز الاڭىنداعى ويىندارعا جانكۇيەرلەردىڭ كەلۋ كورسەتكىشى بويىنشا دا «قايرات» ءبىرىنشى ورىنعا شىقتى.

«چەمپيوناتتىڭ العاشقى اينالىمىنىڭ 65 ويىنىن (ءبىر ماتچ كەيىنگە قالدىرىلدى) 273 مىڭ كورەرمەن تاماشالادى (وتكەن جىلى 211050). بۇل، ورتا ەسەپپەن ءبىر ويىندى تاماشالاۋعا 4,2 مىڭ كورەرمەن كەلدى دەگەن ءسوز (وتكەن جىلى 3197 كورەرمەن تاماشالاعان). الماتىلىق كلۋبتىڭ ءوز الاڭىنداعى جانە سىرت الاڭداعى ويىندارىن تاماشالاۋعا بارلىعى - 80,5 مىڭ ادام كەلگەن»، - دەلىنگەن حابارلامادا.

جانكۇيەرلەردىڭ كەلۋ كورسەتكىشى بويىنشا ەكىنشى ورىندا «ەرتىس» كومانداسى - 67,2 مىڭ كورەرمەن. ال «اقتوبە» ف ك ءۇشىنشى ورىندا كەلەدى. بۇل كوماندانىڭ ويىندارىن تاماشالاۋعا 62 مىڭ كورەرمەن كەلگەن.

اۆتور: ايبوتا جاپپاربەرگەن