تەاترعا بارۋ ادەبى

استانا. قازاقپارات. قادىرلى كورەرمەن!

وسى كەشىڭىزدى قازاق ونەرىنىڭ قارا شاڭىراعى - م. اۋەزوۆ اتىنداعى اكادەميالىق دراما تەاترىنا ارناعانىڭىزعا ۇلكەن ىرزاشىلىعىمىزدى بىلدىرە وتىرىپ مىنا تومەندەگى جايتتاردى، ياعني تەاتر مادەنيەتىن ەستەن شىعارماۋلارىڭىزدى وتىنەمىز:

تەاتر - بيىك مادەنيەت ورنى. مۇندا كەشكى، ءساندى كيىممەن كەلگەن ابزال /سپورتتىق ۇلگىدەگى كيىمدەر مۇندا جاراسپايتىنى ابدەن بەلگىلى.

ءبىزدىڭ تەاترعا مەكتەپ جاسىنا دەيىنگى بالالاردى ەرتىپ كەلۋدىڭ ءجونى جوق، ال، 7 جاسقا تولعان بالاعا ارنايى بيلەت الىنۋى كەرەك.

كورەرمەن زالىنا ارنايى قوڭىراۋ سوعىلعان سوڭ كىرۋ قاجەت. قويىلىمدار ءۇشىنشى قوڭىراۋدان كەيىن باستالادى جانە سول ساتتە كورەرمەن زالىنىڭ ەسىگى جابىلادى.

ءۇشىنشى قوڭىراۋدان سوڭ زالداعى ءجۇرىس توقتالۋى قاجەت. سوندىقتان دا سپەكتاكلگە كەشىكپەي كەلۋىڭىزدى وتىنەمىز.

كەشىگىپ كەلگەن جاعدايدا زالعا ەكىنشى قابات ارقىلى ءوتىڭىز.

ەگەر بيلەتتە كورسەتىلگەن ورنىڭىز بوس بولماسا، جاقىن ماڭداعى بوس ورىنعا وتىرىڭىز نەمەسە بيلەت تەكسەرۋشىدەن كومەك سۇراڭىز.

 كورەرمەن زالىنا سىرت كيىممەن كىرۋ جانە وندا باس كيىممەن وتىرۋ وتە ورىنسىز. ال، قاتارلار اراسىنان ارقاڭىزدى ساحنا، ال ءجۇزىڭىزدى وتىرعاندارعا قاراتا ءوتۋ ءجون.

تەاتردا تەمەكى شەكپەۋىڭىزدى جانە زالعا تاعام، سۋسىن الىپ كىرمەۋىڭىزدى وتىنەمىز.

سپەكتاكل الدىندا ۇيالى تەلەفونداردى «دىبىسسىز» رەجيمگە قويۋ، ال سپەكتاكل كەزىندە زالدا تىنىشتىق ساقتاۋ كەرەك.

«اۆتورلىق جانە ارالىق قۇقىق تۋرالى» زاڭدار تالاپتارىنا بايلانىستى فوتو جانە بەينەتۇسىرىلىمدەر جاساۋعا رۇقسات ەتىلمەيدى.

سپەكتاكل اياقتالىپ، ساحنا شىمىلدىعى جابىلعاننان كەيىن اكتەرلەردىڭ كورەرمەنگە تاعزىمعا شىعاتىن ءساتىن كۇتۋ قاجەت. اكتەرلەرگە، ال، پرەمەرالاردا سپەكتاكل رەجيسسەرى، سۋرەتشىسى، ت. ب. گۇل شوقتارى دا وسى كەزدە ۇسىنىلادى.

كورەرمەن زالىنان ءۇزىلىس كەزىندە جانە سپەكتاكل اياقتالعان سوڭ شىعۋ كەرەكتىگىن دە ەسكە سالامىز.

قۇرمەتپەن، تەاتر اكىمشىلىگى

auezov-theatre.kz