الەمدەگى ەڭ ۇلكەن كەمە العاش رەت ءجۇزىپ شىقتى
بۇل تۋرالى Agence France-Presse (AFP) اگەنتتىگىنە سىلتەمە جاساپ Lenta.ru حابارلايدى.
كەمە الدىمەن ۇلى بريتانيانىڭ وڭتۇستىك جاعالاۋىنداعى ساۋتگەمپتون پورتىنا سوعىپ، بورتىنا العاشقى جولاۋشىلاردى الادى. بۇدان كەيىن Harmony of the Seas وڭتۇستىككە قاراي جول تارتىپ، پيرەنەي تۇبەگىن اينالىپ ءوتىپ، جەرورتا تەڭىزى بويىنشا كرۋيزگە اتتانادى. سودان كەيىن سوڭعى ايالداما بارسەلوناعا (يسپانيا) ءجۇزىپ كەلەدى.
اگەنتتىكتىڭ حابارلاۋىنشا، كەمەنىڭ ۇزىندىعى 362 مەتر، ەنى - 66 مەتر، بيىكتىگى - 72 مەتر. لاينەردىڭ بورتىنا 6360 جولاۋشى جانە ەكى مىڭنان اسا ەكيپاج مۇشەلەرى سيادى. Harmony of the Seas ءوزىنىڭ يەسى Royal Caribbean International (RCI) كومپانياسىنا 12 -مامىردا بەرىلدى.
2016 -جىلعى اقپاندا جەلىدە كرۋيزدىك لاينەردىڭ فوتوسۋرەتى پايدا بولدى. Harmony of the Seas دۆيگاتەلىنىڭ كونسترۋكتسياسى جاقسارتىلىپ، جارىقديودتى جارىقتاندىرۋ پايدالانۋدىڭ ارقاسىندا باسقا ءىرى كەمەلەردەن 20 پايىزعا ءتيىمدى بولادى، دەپ حابارلانعان بولاتىن.
