جاپونيادا الەم ستۋدەنتتەرى وزبەك بيلەرىن بيلەدى

استانا. قازاقپارات - جاپونيانىڭ «ريتسۋمەيكان» ازيا-تىنىق مۇحيت اۋماعى ەلدەرى ۋنيۆەرسيتەتىنىڭ ستۋدەنتتەرى وزبەكستان مادەنيەتىنە ارنالعان شارا شەڭبەرىندە وزبەكتىڭ ۇلتتىق بيلەرىن بيلەدى.

بۇل تۋرالى « Sputnik  ۋزبەكستان» مالىمەتىنە سۇيەنگەن ras.kz حابارلادى.

شاراعا قاتىسۋشىلاردىڭ ءبىرى وسى كورىنىستى ۆيدەوعا ءتۇسىرىپ، Facebook جەلىسىنە جۇكتەگەن ەكەن. وندا وزبەكتىڭ الا توپىسىن كيىپ العان جاستاردىڭ بيلەپ جۇرگەندەرى كورىنەدى.

بۇقارالىق اقپارات قۇرالدارىنىڭ حابارىنشا، شاراعا وزبەكستان، ا ق ش، جاپونيا، يندونەزيا، ءۇندىستان، ۆەتنام، قىتاي، كورەيا، فرانسيا سياقتى كوپتەگەن ەلدەردەن كەلگەن جاستار قاتىسقان.

ەسكە سالا كەتەيىك، «ريتسۋمەيكان» - جاپونياداعى كولەمى جاعىنان ءۇشىنشى ورىن الاتىن جەكەمەنشىك ۋنيۆەرسيتەت. ول بەپپۋ قالاسىندا ورنالاسقان. وقۋ ورنىندا الەمنىڭ 83 مەملەكەتىنەن جينالعان 2500 ءتالىپ ءبىلىم الىپ جاتىر. ۋنيۆەرسيتەتتە ءاربىر ەكى جىلدا ءبىر رەت بەلگىلى ءبىر ەلدىڭ مادەنيەتىنە ارنالعان «حالىقارالىق اپتالىق» ءوتىپ تۇرادى. بيىلعى جىلعى 9-13- مامىر كۇندەرى ول وزبەكستان مادەنيەتى مەن سالت-داستۇرلەرىنە ارنالىپ وتكىزىلدى.