18:03, 15 - مامىر 2016 | GMT +5
ورىسشا سويلەگەن دەپۋتاتتى ارىپتەستەرى سوققىعا جىقتى - كەسكىن
استانا. قازاقپارات - ۋكراينانىڭ جوعارعى راداسىندا دەپۋتاتتار اراسىندا ورىس تىلىنە بايلانىستى توبەلەس بولدى.
بۇل تۋرالى «ينتەرفاكس-ۋكراينا» اقپارىنا سۇيەنگەن ras.kz حابارلادى.
دەپۋتاتتاردىڭ ءبىر-بىرلەرىنە جۇدىرىق الا جۇگىرۋلەرىنە «وپپوزيتسيالىق بلوك» فراكتسياسىنىڭ وكىلى الەكساندر ۆيكۋلدىڭ ءسوزى سەبەپكەرلىك ەتتى. باسىلىمنىڭ جازۋىنشا، ول ءوزىنىڭ ارىپتەستەرىنە قاراپ ورىس تىلىندە ءسوز باستاعان. مۇنىسى دەپۋتاتتاردىڭ ءبىرقاتارىنا ۇناماي، اشۋ-ىزالارىن تۋعىزىپ جىبەرگەن.
سول سالعىلاسۋ بارىسىندا «حالىق مايدانى» فرانكتسياسىنىڭ دەپۋتاتى يۋري تيموشەنكو ارىپتەسى ۆيكۋلدى مىنبەدەن يتەرىپ شىعارىپ جىبەرمەك بولادى. سونىڭ سالدارىنان ەكەۋى جاعا ۇستاسا كەتەدى.
وسىدان كەيىن ءبىرىنشى ۆيتسە-سپيكەر يرينا گەراشەنكو وتىرىستى تەزدەتىپ جاۋىپ تاستادى. بۇل ءبىرقاتار دەپۋتاتتارعا تاعى ۇناماي قالدى.
