17:05, 15 - مامىر 2016 | GMT +5
ءانشى ءارى اكتريسا سالتانات باقايەۆا الاياق بويجەتكەننىڭ قۇربانى بولدى
استانا. قازاقپارات - «ارناۋ» توبىنىڭ ءسوليسى سالتانات باقايەۆا ءوزىنىڭ الاياققا الدانىپ قالعانىن ايتتى.
وزگەلەرگە ول ادامنان ساقتانۋعا كەڭەس بەرىپ، سۋرەتىن جاريالادى. بۇل تۋرالى Stan.kz سايتى حابارلايدى.
ءانشى ءارى اكتريسا سالتانات باقايەۆا ەگامبەرديەۆا اسەم ءسابيت قىزىنا الدانىپ قالعانىن جەتكىزدى. بۇل بويجەتكەن انشىگە تيەسىلى زاتتاردى الىپ كەتكەن كورىنەدى.
«اسەم، العان زاتتارىڭدى قايتار. ايتپەسە، پوليتسياعا ارىز جازامىن! قۇرمەتتى وقىرماندار، اباي بولىڭىزدار! مىنا سۋرەتتەگى قىز سىزدەردى مەنى الداعانداي الداپ كەتپەسىن»، - دەيدى باقايەۆا.
تىڭدارماندارى انشىگە قولداۋ كورسەتىپ، الاياق بويجەتكەننىڭ جازاسىن الۋى كەرەكتىگىن ايتىپ جاتىر.
سالتانات باقايەۆا نۇرجان ەسىمدى ازاماتقا تۇرمىسقا شىعىپ، ەكى ۇل تاربيەلەپ وتىر. ول بۇگىندە مۇحتار اۋەزوۆ اتىنداعى قازاق مەملەكەتتىك دراما تەاترىنىڭ اكتريساسى.
