عالىمدار: اتا-اناسى تەمەكى شەگەتىن بالا اشۋشاڭ بولادى
ونى تۇتىنعان ادام دا، اينالاسىنداعى ادامدار دا دا زيانعا ۇشىرايتىنى تۋرالى از ايتىلعان جوق. بۇگىندە عالىمدار تەمەكى شەگەتىن ادام اينالاسىنداعىلاردىڭ دەنساۋلىعىنا عانا ەمەس، پسيحولوگياسىنا دا كەرى ءھام اۋىر اسەر ەتەتىنى تۋرالى كوپ ايتىپ جاتىر.
فرانسياداعى دەنساۋلىق ساقتاۋ جانە مەديتسينالىق زەرتتەۋلەر ينستيتۋتىنىڭ ماماندارى ءبىرقاتار تاجىريبە جۇرگىزىپ، جاقىندارىنىڭ تەمەكى تارتۋى بالالاردىڭ اشۋشاڭ بولىپ وسۋىنە سەبەپكەر بولاتىنىن انىقتاعان.
ماماندار ايەلدەردىڭ جۇكتى بولعان كەزىندە جانە ودان كەيىنگى تەمەكى شەگۋى جاعدايلارىن تەكسەرگەن. «تەمەكى ءتۇتىنىن جۇتقان بالالاردا جوعارى ەموتسيونالدىق تۇراقسىزدىق اڭعارىلدى»، - دەيدى ولار. ال جۇكتى ايەلدىڭ ءوزى ەمەس كۇيەۋى تەمەكى شەكسە دە ونىڭ كەرى اسەرى اناسى شەككەن تەمەكىنىڭ زيانىنان كەم تۇسپەيدى ەكەن. اسىرەسە بالا دۇنيەگە كەلگەننەن كەيىن ونىڭ پسيحولوگياسىنا كەرى اسەرى ءتىپتى كوبەيەدى.
وسىعان وراي عالىمدار اتا- انانىڭ (جاقىندارىنىڭ) تەمەكى شەگۋى بالالاردى اگرەسسياعا جانە ەموتسيونالدىق تۇراقسىزدىققا دۋشار ەتەتىن جاعىمسىز فاكتورلاردىڭ تىزىمىنە رەسمي تۇردە ەنگىزۋدى ۇسىنىپ وتىر.
