جەر رەفورماسى بويىنشا كوميسسيانىڭ العاشقى وتىرىسى ءۇزىلىسسىز التى ساعاتتان استام ۋاقىت ءوتىپ جاتىر
اتاپ ايتقاندا، جاساقتالعان كوميسسيانىڭ قۇرامىنا پارلامەنتتىڭ قوس پالاتاسىنىڭ دەپۋتاتتارى، ۇكىمەت مۇشەلەرى، مەملەكەتتىك ورگاندار، ساياسي پارتيالار، اگروبيزنەس وكىلدەرى، عالىمدار مەن ازاماتتىق بەلسەندىلەر اتىنان بارلىعى 75 ادام ەندى. سونداي- اق كوميسسيادا ءار وڭىردەن ءبىر- ءبىر وكىلدەن بار.
جيىننىڭ الدىندا كوميسسيا ءتوراعاسى ب. ساعىنتايەۆ اتالعان وزەكتى ماسەلەنى ءۇزىلىسسىز وتكىزۋدى ۇسىندى. كوميسسيا مۇشەلەرى ۇسىنىستى قۇپتاپ، تالقىلاۋعا كىرىستى.
وتىرىس بارىسىندا كوميسسيانىڭ ءاربىر مۇشەسى كەزەكپەن ءسوز الىپ، پىكىرلەرىمەن بولىسۋدە. قازىرگى ۋاقىتتا قاتىسۋشىلاردىڭ باسىم بولىگى سويلەدى.
ەستەرىڭىزگە سالا كەتەيىك، ق ر پرەزيدەنتى قوعامدىق جاڭعىرىق تۋعىزعان جەر كودەكسىنىڭ ءبىرقاتار نورمالارىنا 2017 -جىلعا دەيىن موراتوري جاريالادى.
«قابىلدانعان زاڭنىڭ تەتىكتەرى مەن نورمالارى جۇرتشىلىقتى كەڭىنەن قاتىستىرۋ ارقىلى تالقىلانبادى. سوندىقتان كوپ جاعدايدا حالىقتىڭ الاڭداۋى دۇرىس. ەگەر قازاقستاندىقتار قابىلدانعان شەشىمگە سەنبەيتىن بولسا، دەمەك بۇل دۇرىس ەمەس دەگەن ءسوز. ويتكەنى، بۇل وزگەرىستەر حالىق ءۇشىن جاسالىپ جاتىر. قوعامدا جەردى جالعا الۋ جونىندەگى ءبىرقاتار زاڭنامالىق نورمالارعا قاتىستى كۇمان تۋعانىن ەسكەرۋ ماڭىزدى»، - دەگەن مەملەكەت باسشىسى.
سونىمەن قاتار پرەزيدەنت ۇكىمەت جانىنان پرەمەر- ءمينيستردىڭ ءبىرىنشى ورىنباسارى ب. ساعىنتايەۆتىڭ باسشىلىعىمەن كوميسسيا قۇرۋدى تاپسىرعان بولاتىن.
