جەر كودەكسىنىڭ قوعامدىق رەزونانس تۋدىرعان باپتارىن مۇقيات ساراپتاۋعا ءتيىسپىز - باقىتجان ساعىنتايەۆ
«بۇگىن ءبىز ەلباسى نۇرسۇلتان نازاربايەۆتىڭ تاپسىرماسىمەن جەر رەفورماسى تۋرالى كوميسسيانىڭ العاشقى وتىرىسىنا جينالدىق. كوميسسيا قۇرامىندا ۇكىمەت مۇشەلەرى، پارلامەنت دەپۋتاتتارى، ساياسي پارتيا جەتەكشىلەرى، قوعام قايراتكەرلەرى، زيالى قاۋىم، ساراپشىلار، اۋىل شارۋاشىلىعى سالاسىنىڭ بىلىكتى ماماندارى، زاڭگەرلەر، قوعام بەلسەندىلەرى مەن اقپارات قۇرالدارى وكىلدەرى بار. بارشاڭىزعا شاقىرۋىمىزدى قابىل الىپ، وسىندا كەلگەندەرىڭىزگە ريزاشىلىعىمىزدى بىلدىرەمىن»، - دەدى ب. ساعىنتايەۆ.
وسى رەتتە ول كوميسسيا الدىندا ەل ءۇشىن تاعدىرلى ءمانى بار ماسەلەنى مۇقيات تالقىلاپ، ورتاق ماملەگە كەلۋ مىندەتى تۇرعانىن اتاپ ءوتتى.
«بۇل - وتە جاۋاپتى جۇمىس. بۇعان دەيىن دە سان رەت ايتىلعانداي، جەر شەتەلدىكتەرگە ساتىلعان ەمەس، ساتىلمايدى دا. بۇل مەملەكەتتىڭ مىزعىماس بەرىك ۇستانىمى. جەر كودەكسىنە ەنگىزىلگەن وزگەرىستەردىڭ ماقساتى - جەردىڭ جۇمىس ىستەۋى، حالىقتىڭ يگىلىگى ءۇشىن پايدا اكەلۋى. ءبىز جەر كودەكسىنىڭ قوعامدىق رەزونانس تۋدىرعان باپتارىن مۇقيات ساراپتاۋعا ءتيىسپىز. ءبىراق، ەكونوميكامىزدىڭ، اۋىل شارۋاشىلىعىنىڭ دامۋىنا جەر رەفورماسىنىڭ قاجەتتىگىن دە مويىنداۋىمىز قاجەت»، - دەدى ق ر پرەمەر- ءمينيسترىنىڭ ءبىرىنشى ورىنباسارى.
بۇدان بۇرىن حابارلانعانداي، كوميسسيا مەملەكەت باسشىسىنىڭ تاپسىرماسى بويىنشا ق ر جەر كودەكسىنىڭ نورمالارىن ءتۇسىندىرۋ جانە تالقىلاۋ، سونداي- اق ۇسىنىستار ازىرلەۋ ءۇشىن قۇرىلدى.
قۇجاتتا جالپى ەرەجە، مىندەت، كوميسسيا جۇمىسىن ۇيىمداستىرۋ جانە ونىڭ ءتارتىبى سونداي- اق، قۇرامى بەكىتىلگەن.
اۆتور: رۋسلان عابباسوۆ
