زەرتتەۋ: اقشا ادامدى باقىتسىز ەتەدى

استانا. قازاقپارات - عالىمدار اقشا ادامدى باقىتسىز ەتەدى دەگەن تۇجىرىمعا كەلدى، ەموري ۋنيۆەرسيتەتى مەن مينەسسوتا (ا ق ش) ۋنيۆەرسيتەتىنىڭ ماماندارى ءىرى كاپيتالعا يە ادامدار مەيىرىمسىز، كوبىنەسە جالعىز بولاتىنىن دالەلدەدى.

زەرتتەۋشىلەر ءتۇرلى كەمشىلىگى بار، ءتۇرلى الەۋمەتتىك جاعدايداعى ادامداردىڭ دەرەكتەرىن تالدادى.

ناتيجەسىندە اقشاسى كوپ ادامدار تۋىستارىمەن، دوستارىمەن ارالاسپاي، ءوز-وزدەرىمەن تۇيىقتالىپ قالاتىنى بايقالعان. بۇل ولاردىڭ جالعىزسىراۋىنا الىپ كەلەدى.

زەرتتەۋگە سايكەس، تابىسى تومەن (جىلىنا بەس مىڭ دوللار) ادامدار جوعارى تابىستى (جىلىنا 131 مىڭ دوللار) ادامدارعا قاراعاندا، ادامدارمەن ارالاسۋدا جىلىنا كەشتى 6,4 رەت كوپ وتكىزەدى ەكەن.

بۇدان باسقا، باي ادامدار باسقا ادامداردىڭ پروبلەماسى مەن قايعىسىنا الاڭدامايتىن بولادى.

اۋقاتتى ادامدار ۋاقىتىنىڭ باسىم بولىگىن جۇمىسقا بولەدى، اداممەن ارالاسۋ ولارعا ماڭىزدى بولا قويمايدى، دەپ جازادى شەتەلدىك ب ا ق.