كاليفورنيادا بويجەتكەن بولمەلەردىڭ ورنىنا ۇياشىقتار سالىنعان جاتاقحانا اشتى
ونىڭ ويىنشا، بۇل پاتەرلەر، حوستەلدەر جانە Airbnb نى قىمبات باعاعا جالعا الۋدىڭ بالاماسىنا اينالۋى ءتيىس، دەپ حابارلايدى vc.ru.
Podshare تۇجىرىمداماسىنا سايكەس، بارلىق تۇرعىندار كەرەۋەت، تەلەديدار، توق روزەتكالارى جانە شامى بار ارنايى ۇياشىقتارعا جايعاسادى. مۇنداعى دارەتحانا، جۋىناتىن بولمە جانە ءاسۇي بولمەسى بارلىق تۇرعىندار ءۇشىن ورتاق.
وسىنداي قوناقۇيدە ءبىر ءتۇن جاتۋ باعاسى - 40 تان 50 دوللارعا دەيىن. جوبا لوس-اندجەلەس پەن گولليۆۋدتا لوكاتسيالارىن اشتى. Podshare سونداي-اق ءوز تۇرعىندارىنا كۇنىنە 15 دوللارعا جۇمىس ورنىن جالعا الۋدى ۇسىنادى.
كاليفورنيادا باسپانانىڭ تىم جوعارى باعاسى ءوز مانسابىن ەندى باستاپ كەلە جاتقان قىزمەتكەرلەردى جالعا الۋدىڭ بالامالى نۇسقالارىن ىزدەۋگە ماجبۇرلەيدى. ماسەلەن، كەيبىر قىزمەتكەرلەر جۇمىس ىستەيتىن كەڭسەلەرىنىڭ قاسىنداعى كولىك تۇراعىندا ورنالاسقان جۇك كولىكتەرى مەن شاعىن اۆتوبۋستاردا تۇرۋعا بەيىمدەلەدى.
