08:22, 13 - مامىر 2016 | GMT +5
ءۇش ادامدى ولتىرگەن قاسكۇنەم تىعىلعان ءۇي قورشاۋعا الىندى
استانا. قازاقپارات - امەريكاندىق چيكاگودا پوليتسەيلەر ءۇش ادامدى ولتىرگەن قارۋلى كۇدىكتى تىعىلعان ءۇيدى قورشاۋعا الدى، دەپ حابارلايدى ا ۆ س تەلەارناسى.
پوليتسيا وكىلىنىڭ ايتۋىنشا، بولجانىپ وتىرعان قاسكۇنەم مەن ءتارتىپ ساقشىلارىنىڭ اراسىندا اتىس بولعان. ۇيگە بەكىنگەن قىلمىسكەرمەن بەرىلۋ جانە بۇل قارسى تۇرۋدى بەيبىت جولمەن شەشۋ جايلى كەلىسسوز ءجۇرىپ جاتىر.
پوليتسيا ۇيگە تىعىلعان ەر ادامدى سارسەنبىدە چيكاگو اۋداندارىنىڭ بىرىندەگى ءۇش ادامنىڭ ولىمىنە بايلانىستى تەرگەمەككە ىزدەگەن.
ۇيدە كۇدىكتىدەن باسقا ەشكىم جوق. ماڭايداعى عيماراتتاردان ەشكىم ەۆاكۋاتسيالانبادى.
