داعىستان تۇرعىنى شەگىرتكەلەردى ءتىرى كۇيىندە جەدى

استانا. قازاقپارات - داعىستاندا شەگىرتكەلەر قارا بۇلتتاي قاپتادى. وسىعان وراي وڭىردە توتەنشە جاعداي رەجىمى جاريالاندى.

ال جەرگىلىكتى تۇرعىنداردىڭ ءبىرى بۇل جاعدايدى پايدالانىپ قالۋدى ءجون كورگەن سىڭايلى.

ول ءتىرى جاندىكتەردى ۋىستاي جەپ، تۇسكى تاماعىنىڭ ورنىنا پايدالاندى.

«شىنىندا دا جاس جاڭعاقتىڭ ءدامىن ەسكە تۇسىرەدى»، - دەپ ءبولىستى وزگەشە استان العان اسەرى جايلى.

ايتا كەتەر بولساق، داعىستاننىڭ سولتۇستىگىندە قازىردىڭ وزىندە 50 مىڭ گەكتار جەر تىپ-تيپىل بولدى. شەگىرتكەلەر جولىندا كەزدەسكەن ءشوپ تۇرلەرىن تۇك قالدىرماي جەپ، رەسپۋبليكانىڭ ىشىنە تارالىپ بارادى.

فەرمەرلەر اۋىل شارۋاشىلىعى داقىلدارىن ءوز كۇشتەرىمەن قورعاپ قالۋعا ارەكەتتەنىپ جاتىر. ولار كۇنىنە بىرنەشە رەت تاناپتارعا كۇشتى حيميكاتتار سەبۋدە، دەپ حابارلايدى tvzvezda.ru.