سولتۇستىك قازاقستاندا «باتىر» ماركالى تراكتور شىعارىلادى - فوتو

پەتروپاۆل. قازاقپارات - س ق و اكىمى ەرىك سۇلتانوۆ اۋىل شارۋاشىلىعى تەحنيكاسىن شىعارۋعا ارنالعان سالىنىپ جاتقان زاۋىتقا باردى.

بۇل - سولتۇستىك قازاقستاندىقتار مەن پەتەربور ماشينا جاساۋ زاۋىتىنىڭ بىرلەسكەن جوباسى.

«وسى جازدا كونۆەيەردەن «باتىر» ماركالى العاشقى «ك-704» شىعارىلادى. زاۋىتتا ازىرگە جوندەۋ جۇمىستارى جۇرگىزىلىپ، جابدىقتار اكەلىنۋدە. بيىل كاسىپورىندا 50 جۇمىس ورنى قۇرىلادى. زاۋىتتىڭ جوبالىق قۋاتى - جىلىنا 120 تراكتور. كاسىپورىننىڭ باس ديرەكتورى سەرگەي شينكارەنكونىڭ ايتۋىنشا، ءبىرىنشى كەزەڭدە كولىككە ارنالعان بولشەكتەردىڭ 35 پايىزىن وسى جەردە شىعارۋعا بولادى، ودان كەيىن ارتا تۇسەدى»، - دەپ حابارلادى وبلىستىق اكىمدىك باسپا ءسوز قىزمەتىنەن.

«قازىر ينۆەستيتسيالىق سالىم 300 ميلليون تەڭگەگە جۋىقتى قۇرايدى، الايدا 1 ميلليارد 20 ميلليون قۇيۋدى جوسپارلاۋدامىز. بۇگىندە بارلىق كوممۋنيكاتسيا جۇرگىزىلدى، جىلۋ جانە ەلەكتر ەنەرگياسى قايتا رەسىمدەلدى»، - دەدى «پەتروپاۆل تراكتور زاۋىتى» ج ش س باس ديرەكتورى سەرگەي شينكارەنكو.

جەرگىلىكتى شىعارىلعان تراكتور قۇنى 30 ميلليون تەڭگە تۇرادى. شەتەلدەن اكەلىنگەن تەحنيكا بۇدان ءۇش ەسە قىمبات. ءوڭىر باسشىسى اۋىل شارۋاشىلىعى ماشينالارىن ساتىپ الۋدى سۋبسيديالاۋ ماسەلەلەرىن شەشۋ قاجەتتىگىن اتاپ ءوتتى. ال بۇل - تاپسىرىس پورتفەلىن ۇلعايتۋ.

«قازىر ءبىز قازاقستاندا شىعارىلعان اۋىل شارۋاشىلىعى ماشينالارىن سۋبسيديالاۋ يمپورتتالاتىنعا قاراعاندا جوعارى بولۋى ءۇشىن اۋىل شارۋاشىلىعى مينيسترلىگىمەن كەلىسسوز جۇرگىزۋدەمىز»، - دەدى اكىم.

 س ق و- دا اشىلاتىن تاعى ءبىر ءوندىرىس - جىل بويى قوزىقۇيرىق ساڭىراۋقۇلاعىن ءوسىرۋ. قۇرىلىس الاڭىندا مەتالل كونسترۋكسياسىن مونتاجداۋ ءجۇرىپ جاتىر. بۇل - جىلىجاي كەشەنى. «گريبنوي مير» ج ش س اتقارۋشى ديرەكتورى بايان مەدەتبايەۆانىڭ ايتۋىنشا، جىلىنا بۇل جەردە ەكى مىڭ تونناعا دەيىن ساڭىراۋقۇلاق وسىرۋگە بولادى.

جابدىق گوللانديادان اكەلىنەدى. العاشقى پارتيا نارىققا جاڭا جىلدا جەتكىزىلەدى دەپ كۇتىلۋدە. ساتىپ الۋشىلار بار. يننوۆاتسيالىق جوبانىڭ قۇنى ميلليارد تەڭگە.