الماتىدا مەدەۋ- شىمبۇلاق جولىندا لاي كوشكىنى ورىن الدى

الماتى. قازاقپارات - الماتى ىرگەسىندەگى موحناتكا تاۋىنىڭ شىعىس بوكتەرىندە لاي- تاس كوشكىنى ورىن الدى، دەپ حابارلادى بۇگىن الماتى قالالىق ت ج د باسپا ءسوز قىزمەتىنەن.

«11 -مامىر كۇنى مەدەۋ اۋدانى اۋماعىنداعى موحناتكا تاۋىنىڭ شىعىس بوكتەرىندە جاۋىن- شاشىن سالدارىنان جەر قىرتىسىنىڭ اسا ىلعالدانىپ كەتۋىنە بايلانىستى لاي- تاس كوشكىنى ورىن الدى. كولەمى شامامەن 700 تەكشە مەتر. سونداي- اق، مەدەۋ- شىمبۇلاق تاس جولى بويىندا كولەمى 200 تەكشە مەتر بولاتىن لاي- تاس كوشكىنى بولدى»، - دەلىنگەن حابارلامادا.

اپاتتىق- قۇتقارۋ جۇمىستارىن جۇرگىزۋگە بايلانىستى بۇل جول ۋاقىتشا جابىلدى. ءقازىر وقيعا ورنىندا جولدى تازارتۋ جۇمىستارىنا «قازسەلدەنقورعاۋ» مەملەكەتتىك مەكەمەسىنىڭ جەكە قۇرامىنان 10 ادام، مەدەۋ اۋداندىق توتەنشە جاعدايلار بولىمىنەن 2 ادام جانە 4 تەحنيكا جۇمىلدىرىلعان.