ءبىز حالقىمىزدىڭ، ەلىمىزدىڭ بولاشاعىن ويلايمىز - و. سۇلەيمەنوۆ

استانا. قازاقپارات - ءبىز حالقىمىزدىڭ، ەلىمىزدىڭ بولاشاعىن ويلايمىز. بۇل پىكىردى ب ا ق وكىلدەرىنە مەملەكەت جانە قوعام قايراتكەر، اقىن ولجاس سۇلەيمەنوۆ ءبىلدىردى.

«جاستار بولاشاعىن ارماندايدى، بولاشاعىن ويلايدى. مەنەن بىردە: «ءسىزدىڭ جاسىڭىزداعى ادامدار نە جايىندا ويلايدى؟»، دەپ سۇراعان بولاتىن. سول كەزدەگى ايتقان جاۋابىمدى تاعى دا ءبىر مارتە قايتالاعىم كەلەدى. ءبىز ءوز حالقىمىزدىڭ بولاشاعىن، رەسپۋبليكامىزدىڭ بولاشاعىن، ودان كەيىن ادامزاتتىڭ بولاشاعىن ويلايمىز. مىنە، بۇل ءبىزدىڭ بولاشاق جايىنداعى پايىمىمىز»، - دەدى ول ءوزىنىڭ 80 جىلدىق مەرەيتويىنا وراي ل. گۋميليەۆ اتىنداعى ەۋرازيا ۇلتتىق ۋينۆەرسيتەتىندە ءوتىپ جاتقان «الەم ادامى» اتتى فورۋم بارىسىندا.

ول ومىرىندەگى ەڭ ماڭىزدى دۇنيە ءوزىنىڭ كىتاپتارى بولىپ تابىلاتىندىعىن باسا ايتتى. سونىمەن قاتار پەشەنەسىنە جازىلعان ك س ر و- نىڭ سەمەي جانە نوۆوزەمەلسكي يادرولىق سىناق پوليگوندارىن جابۋ ىسىنە اتسالىسۋى دا ايتۋلى وقيعا دەپ سانايتىندىعىن ءبىلدىردى.

 «بۇل ىسكە قارسى تاراپتىڭ ەڭ ءىرى كۇشتەرى قاتىسقان بولاتىن. قورعانىس ءمينيسترى يازوۆپەن، اسكەري- ونەركاسىپ كەشەنى ادامدارىمەن ك س ر و جوعارعى كەڭەسىنىڭ دەپۋتاتى ءارى يادروسىز الەم پارلامەنتتىك توبىنىڭ جەتەكشىسى رەتىندە سويلەسۋگە تۋرا كەلدى. ءبىزدىڭ توبىمىزدا 500- ءدىڭ 150 داۋىسى بولدى. مەنىڭشە، سول كەزدەگى جوعارعى كەڭەستە بۇل بارىنشا بەلسەندى توپ ەدى. ءبىز جوعارعى كەڭەستىڭ 1989 -جىلدىڭ قاراشاسىندا ك س ر و ۇكىمەتىنىڭ تارابىنان سەمەي پوليگونىن جابۋ تۋرالى ماسەلەنى قاراستىرۋى تۋرالى قاۋلىنىڭ شىعۋىنا قول جەتكىزدىك. بۇل 1989 -جىلدىڭ 20 - قاراشاسى ەدى. بۇل ءبىز ەستە ساقتاۋعا ءتيىستى ماڭىزدى داتا»، - دەدى و. سۇلەيمەنوۆ.

 اۆتور: مارلان جيەمباي