قازاقستاندىقتاردىڭ ۇيىنە تونەتىن ەڭ قورقىنىشتى ءۇش قاتەر اتالدى

استانا. قازاقپارات - سۋ باسۋ، ءۇشىنشى تۇلعانىڭ زاڭعا قايشى ارەكەتى جانە ءورت قازاقستاندىقتاردىڭ ۇيلەرى ءۇشىن نەگىزگى قاتەر بولىپ وتىر، - دەپ حابارلايدى Tengrinews.kz ءتىلشىسى Kompetenz ساقتاندىرۋ كومپانياسىنا سىلتەمە جاساپ.

كومپانيا مالىمەتىنشە، قازاقستاندا ساقتاندىرىلعان جىلجىمايتىن مۇلىككە سۋ قۇبىرىندا، كاناليزاتسيادا جانە جىلىتۋ جۇيەسىندە بولعان اپات كەزىندەگى سۋ باسۋ كوبىرەك شىعىن اكەلەدى. وسى ماقساتتا ساقتاندىرۋ جاعدايى 25 پايىزدى قۇرايدى ەكەن. ەكىنشى ورىندا ءۇشىنشى تۇلعانىڭ زاڭعا قايشى ارەكەتى (22 پايىز) بولسا، ءۇشىنشى ورىندا ءورت (15,4 پايىز) تۇر.

ايتا كەتەيىك، رەيتينگ كومپانيانىڭ جەكە ستاتيستيكاسى بويىنشا جاسالدى. سونىمەن قاتار، مەملەكەتتىك ورگانداردىڭ ستاتيستيكاسى قولدانىلدى. ق ر ەكونوميكا مينيسترلىگىنىڭ مالىمەتىنشە، 2016-جىلى مەنشىككە قاتىستى 25994 قىلمىس تىركەلگەن. ونىڭ 17185 ءى ۇرلىق بولىپ وتىر.

ورتكە كەلەتىن بولساق، ءورتتىڭ پايدا بولۋىنا كوپ جاعدايدا ەلەكتر سىمدارىنىڭ تۇيىقتالۋى، سونىمەن قاتار ەلەكتر قۇرىلعىلارىنداعى اقاۋ سەبەپ بولاتىنى انىقتالدى.