بايقوڭىر قالاسىن قازاقستاننىڭ قۇزىرەتىنە بەرۋ ماسەلەسى قارالادى
قازىر عارىش ايلاعىمەن بىرگە جالعا بەرىلگەن قالانى قازاقستاننىڭ قۇزىرەتىنە بەرۋ ماسەلەسى كوتەرىلۋدە. بۇل تۋرالى ق ر پرەزيدەنتىنىڭ «بايقوڭىر» كەشەنىندەگى ارنايى وكىلى سەرىك قوجانيازوۆ مالىمدەدى، دەپ bnews.kz حابارلادى.
ارنايى وكىل بايقوڭىر قالاسى رەسەيدىڭ قۇزىرەتىندە بولعاندىقتان، قازاقستان، ونىڭ ىشىندە قىزىلوردا وبلىسى قالانىڭ كوممۋنالدىق سالاسىن جاقسارتۋعا قاراجات قۇيا الماي وتىرعانىن، ال مەملەكەتتىك باعدارلامالار بايقوڭىردا ىسكە اسپاي جاتقانىن العا تارتقان. سوڭعى جىلدارى قالادا جاڭا تۇرعىن ۇيلەر تۇرعىزىلماعان.
«ول رەسەي تاراپى ءۇشىن ءتيىمسىز، ال قازاقستان بولسا، ايماقتاردى دامىتۋ باعدارلاماسىن مۇندا جۇزەگە اسىرا المايدى. الايدا بايقوڭىردا 45 مىڭ قازاقستان ازاماتى ءومىر ءسۇرىپ جاتىر» - دەيدى سەرىك قوجانيازوۆ.
ونىڭ ايتۋىنشا، قازاقستان مەن رەسەي اراسىندا 1994 - جىلى جاسالعان عارىش ايلاعىن جالعا الۋ شارتى ەسكىرگەن.
