09:25, 12 - مامىر 2016 | GMT +5
رەسەيلىك دارىگەرلەر ەرەكشە وتا جاساپ، ساۋساعىنان ايىرىلعان قىزعا كومەكتەسپەك
استانا. قازاقپارات - رەسەيلىك عالىمدار ادامنىڭ ساۋساعىن قالپىنا كەلتىرۋ تاجىريبەسىن جاساۋعا بەل بۋدى، دەپ جازادى رەسەيلىك ب ا ق.
پروفەسسور، مەديتسينا عىلىمدارىنىڭ دوكتورى الەكساندر تەپلياشين باستاعان رەسەيلىك عالىمدار توبى ەرەكشە وتا جاساۋ ارقىلى بالا كەزىندە ساۋساقتارىن قىرقىپ العان قىزدىڭ ساۋساقتارىن قالىپقا كەلتىرمەك.
25 جاستاعى اننا سۇق ساۋساعى قىسقا بولعاندىقتان، بۇل وتاعا كەلىسكەن.
ماماندار قىزدان الىنعان جاسۋشالار نەگىزىندە جەتىسپەيتىن ساۋساق سۇيەكتەرىن ءوسىرىپ، ونى جالعاماق.
تەپلياشيننىڭ سوزىنە قاراعاندا، وسىعان دەيىن مۇنى جاساۋ ەشكىمنىڭ قولىنان كەلمەدى. رەسەيلىك عالىمدار جانۋارلارعا وسىنداي وتا جاساعان. بارلىعى ءساتتى اياقتالعان كورىنەدى.
قازىر عالىمدار اننا ءۇشىن دەمەۋشىلەردى ىزدەپ جاتىر.
