الەمدەگى ەڭ كارى مىسىق امەريكادا تۇرادى

استانا. قازاقپارات - گيننەستىڭ رەكوردتار كىتابى سكۋتەر اتتى مىسىق جەر بەتىندەگى ەڭ كارى مىسىق دەپ كۋالىك بەردى.

ول 1986-جىلى 26- ناۋرىزدا دۇنيەگە كەلگەن، 30 جىلداي يەسى گەيل فلويدپەن بىرگە جۇرگەن.

ءۇي يەسى ايەلدىڭ ايتۋىنشا، وسى جىلدارى مىسىقتىڭ داعدىسى وزگەرمەگەن، ول تاڭەرتەڭ ساعات التىدا مياۋلاپ تاماق سۇرايدى، كەشكە ايەلدى جۇمىستان كەلگەندە ەسىك الدىندا كۇتىپ الادى. گەيل مىسىعىنىڭ ۇزاق ءومىر ءسۇرۋىن قوزعالىسىنىڭ كوپتىگىنەن دەپ سانايدى. 30 جىلدا سكۋتەر امەريكانىڭ 50 شتاتىنىڭ 45 ءىن ارالاعان.

ول ءتورت اپتالىعىندا اناسىنان ايىرىلعان، 2014-جىلى كۇزدە اياعىن سىندىرىپ العان ەكەن. سول سەبەپتى قازىرگى دەيىن مەديتسينالىق تەكسەرۋدەن ءوتىپ، جانۋارلار دارىگەرىنە قارالىپ تۇرادى.

بۇعان دەيىن الەمدەگى ەڭ كارى مىسىق ورەگون شتاتىنداعى 26 جىل ءومىر سۇرگەن كوردۋروي سانالىپ كەلدى. ال ەڭ ۇزاق ءومىر سۇرگەن مىسىقتىڭ عۇمىرى 38 جىل 3 كۇنگە سوزىلىپتى.