الماتى وبلىسىندا اسا قاۋىپتى قىلمىسكەردى ۇستادى
وقيعا تالعار قالاسىندا 8 ىنەن 9 -مامىرعا قاراعان ءتۇنى ورىن الدى. جەرگىلىكتى اۋرۋحاناعا پىشاقتالعان 47 جاستاعى ەر ادام ءتۇستى.
زارداپ شەككەن ەر ادامدى اۋرۋحاناعا جەتكىزگەن پوليتسەيلەر وقيعا ورنىنان زورلاپ ءولتىرۋ بەلگىلەرمەن ەكىنشى ەر ادامنىڭ مۇردەسىن تاپتى.
«قىلمىس جاسادى دەگەن كۇدىكپەن 28 جاستاعى ەر ادام ۇستالدى. ول قالا ماڭىنداعى اۋىلداردىڭ بىرىندە بوي تاسالاعان. قىلمىستىق ىزدەۋ جەدەل قىزمەتكەرلەرىمەن بىرگە پاترۋلدىق توپ كۇدىكتىنى بىرنەشە ساعاتتىڭ ىشىندە ۇستادى. ول بەرگەن جاۋابىندا مەرەكەلىك داستارقان بارىسىندا ارالارىندا جانجال شىعىپ، ول پىشاق قولدانۋعا ءماجبۇر بولعانىن ايتتى»، - دەدى الماتى وبلىسى ءى ءى د باسپا ءسوز قىزمەتىنەن.
وقيعا ورنىن تابىلعان اسحانا پىشاعى زاتتاي ايعاق رەتىندە تاركىلەندى. سوت الدى تەرگەۋ جۇرگىزىلۋدە، ۇستالعان ۋاقىتشا ۇستاۋ يزالياتورىنا قامالدى.
