ۇلتتىق گەوگرافيا فوتوگرافى قازاقتىڭ ءداستۇرلى ۇيلەنۋ تويىن تۇسىرۋگە جاس جۇبايلاردى ىزدەستىرۋدە - فوتو
بۇل ويىن دجون ستەينمەيەر Instagram-داعى پاراقشاسىندا ايتقان.
فوتوگراف قازىر ماڭعىستاۋ وبلىسىندا ساپارلاپ ءجۇر. قىزىقتى رەپورتاج ءۇشىن ول قازىر جاس جۇبايلاردى ىزدەپ جاتىر.
«قازاقستانداعى ينستا- دوستار، جاقىندا كىم ماڭعىستاۋ وبلىسىندا ۇيلەنۋ تويىن جاساماقشى؟ قازاقتىڭ ءداستۇرلى تويىن سۋرەتكە ءتۇسىرىپ، NatGeo تاريحىنا ەنگىزگىم كەلەدى»، - دەدى فوتوگراف.
ايتا كەتۋ كەرەك، اۆتور جاقىندا اقتاۋ قالاسىنداعى كوكپارعا دايىندالىپ جاتقان جىگىتتەردى سۋرەتكە ءتۇسىرىپ، National Geographic-كە جاريالاعان بولاتىن.
بۇل الەمدىك رەسۋرستاعى العاشقى سۋرەت ەمەس. بۇعان دەيىن امەريكاندىق فوتوگراف فيليپپ تولەدانو مەن يزرايلدىك فوتوگراف شاۋل شۆارتس NatGeo ينستاگرامداعى پاراقشاسىندا قازاقستان تۋرالى بىرنەشە سۋرەت جاريالاعان بولاتىن.
ءبىرقاتار كاسىبي بايقاۋلاردىڭ جەڭىمپازى، 2014 -جىلعى World Press Photo پرەمياسىنىڭ يەگەرى، بەلگىلى فوتوجۋرناليست ج. ستەنمايەر الەمنىڭ 100 ەلىندە بولعان. قازىر ول پول سالوپەك ەسىمدى جۋرناليستپەن قازاقستاندى جاياۋ ارالاپ ءجۇر. جولاۋشىنىڭ فوتوەسەبىن ونىڭ جەكە پاراقشاسىنان كورۋگە بولادى.
اۆتور: گۇلميرا عوسمان-ءالي
