ايەلدەر اراسىندا وتەتىن بوكستان الەم چەمپيوناتىنا قاتىساتىن سپورتشىلار سانى بەلگىلى بولدى
ءدۇبىرلى دودادا ريو- دە- جانەيرودا وتەتىن جازعى وليمپيادا ويىندارىنا جولدامالار ساراپقا سالىنادى. شارانىڭ سالتاناتتى اشىلۋى 19 -مامىرعا بەلگىلەنگەن، قازىرگى كەزدە قىزدار شارشى الاڭعا شىعۋعا دايىندىق ۇستىندە، دەپ حابارلادى قالالىق اكىمدىكتىڭ باسپا ءسوز قىزمەتىنەن.
ءتورت جىلدىقتىڭ باستى باسەكەسىنە ليتسەنزيالار ءۇش سالماق دارەجەسىندە ۇسىنىلادى - 51 ك گ دەيىن، 60 ك گ دەيىن جانە 75 ك گ -گە دەيىن. ءار سانات بويىنشا ءتورت جولداما بەرىلەدى.
قازاقستاندىق قۇراما كومانداعا استانالىق سپورتشىلار: ريمما ۆولوسەنكو، ۆالەنتينا حالزوۆا مەن ءلاززات كۇنگەيبايەۆا ەندى. سونىمەن قاتار، جارىستا نازىم قىزايباي، جاينا شەكەربەكوۆا، دينا جولامان، ايجان حودجابەكوۆا، زارينا سولويەۆا، ۆيولەتتا كنيازيەۆا مەن يۋلدۋز ماماتكۋلوۆا ەل نامىسىن قورعايدى.
قازاقستان ايەلدەر قۇراماسىنىڭ اعا باپكەرى ۆاديم پريسياجنيۋك جاتتىعۋلاردىڭ شتاتتىق رەجيمدە ءوتىپ جاتقانىن اتاپ ءوتتى.
- شارشى الاڭعا شىعىپ، ۇزدىك قاسيەتتەرىمىزدى كورسەتۋىمىز كەرەك. ونىڭ ۇستىنە ءوزىمىزدىڭ تريبۋنالار قولداۋ كورسەتەدى. بوكس الەمنىڭ كوپتەگەن ەلدەرىندە دامىپ كەلەدى. سوندىقتان، بۇگىندە ءبارىن دە ەسكەرۋىمىز قاجەت. رەسەي، اقش پەن قىتاي كوماندالارى مىقتى. استانادا مەدال الۋدى كوزدەيتىن باسقا دا قۇرامالار بار. ارينە، قازاقستاندىق جانكۇيەرلەردىڭ قولداۋى جاقسى ىنتالاندىرۋ بولماق، بۇعان ۇلكەن ءۇمىت ارتىپ وتىرمىز. سوندىقتان، ەلوردا تۇرعىندارى مەن قوناقتارىن بىزگە قولداۋ كورسەتۋگە شاقىرامىن، ال قىزدار، ءوز كەزەگىندە جانكۇيەرلەردىڭ سەنىمىن اقتاۋعا تىرىسادى، - دەيدى ۆ. پريسياجنيۋك.
الەم بىرىنشىلىگى 19-27 -مامىردا «بارىس- ارەنا» سارايىندا وتەدى.
