بولات جامىشەۆ: اۋىل شارۋاشىلىعى جەرلەرىن تەگىن تاراتۋعا بولمايدى
«نەگىزى، بۇگىندە اۋىل شارۋاشىلىعى جەرلەرىنىڭ باسىم بولىگى جالعا بەرىلگەن. ال اۋكتسيونعا شىعارىلاتىنى ول - مەملەكەت مەنشىگىنە قايتارىلعان جەرلەر. ونى سەلقوس جەر يەلەنۋشىلەردەن قايتارىپ العان. اۋكتسيون سول جەرلەردى ءتيىمدى پايدالانا بىلەتىن ادامداردى تابۋعا مۇمكىندىك بەرىپ وتىر. ارينە، «ءتيىمدى پايدالانا بىلەتىن ادام» دەگەن ءسوز «اقشاسى بار ادام» دەگەندى بىلدىرەدى. سول سەبەپتى جەردى تەگىن تاراتۋ كەرەك سياقتى اڭگىمەلەر ورىنسىز دەپ ويلايمىن. جەردى اۋىل شارۋاشىلىعى سالاسىن كوتەرە الاتىن ادامدارعا بەرگەن دۇرىس»، - دەيدى جامىشەۆ.
سونداي-اق بانك باسشىسى جەردى كەپىلدىككە سالىپ، قوسىمشا قارجى تارتۋ تەتىگىنە قاتىستى ءوز پىكىرىن ءبىلدىردى.
«كاسىپكەرلەر ءۇشىن ول - جاقسى مۇمكىندىك. نەگىزى، اتالعان مەحانيزم بۇعان دەيىن دە بولعان. «جەر تۋرالى» كودەكستىڭ جاڭا نورمالارى سول مەحانيزمدى ىسكە اسىرۋعا كومەكتەسەتىن ەدى»، - دەدى بولات بيداحمەت ۇلى.
ايتا كەتەيىك، نۇرسۇلتان نازاربايەۆ «جەر تۋرالى» كودەكستىڭ جەردى اۋكتسيون ارقىلى ساتۋ مەن جالعا بەرۋگە قاتىستى جاڭا نورمالارىنا جىلدىڭ سوڭىنا دەيىن ماراتوري جاريالاعان بولاتىن. بۇل دەگەنىمىز، 2016-جىلعى جەلتوقساننىڭ 31 ىنە دەيىن اتالعان نورمالار كۇشىنە ەنبەيدى. وسى ۋاقىتقا دەيىن قۇزىرەتتى ورگاندار جەرگە قاتىستى وزگەرىستەردى حالىقپەن كەڭىنەن تالقىلاپ الۋى شارت.
