الماتى كوشەلەرىمەن «ماڭگىلىك پولك» ءجۇرىپ ءوتتى
وعان قاتىسۋشىلار - ءار ءتۇرلى جاستاعى مىڭداعان ادام نوسەر جاۋىنعا قاراماستان «استانا» الاڭىنا جينالىپ، ودان 28 پانفيلوۆشىلار اتىنداعى ساياباققا دەيىن جاياۋ ءجۇرىپ ءوتىپ، ماڭگىلىك الاۋعا گۇل شوقتارىن قويدى.
بۇل شاراعا قاتىسقان الماتىلىقتار قولدارىنا ۇلى وتان سوعىسىنا قاتىسقان وزدەرىنىڭ اكە- اتالارىنىڭ، تۋعان- تۋىستارىنىڭ پورترەتتەرىن زور ماقتانىشپەن ۇستاپ ءجۇردى. اۋعان سوعىسى ارداگەرلەرىنىڭ ۇيلەستىرۋشى كەڭەسىنىڭ ءتوراعاسى مۇرات ابدىشۇكىروۆ بۇل شارانىڭ بيىل وسىمەن ءۇشىنشى رەت وتكىزىلىپ وتىرعاندىعىن جانە جىل سايىن وعان قاتىسۋشىلار سانى كوبەيىپ جاتقاندىعىن اتاپ ءوتتى.
«بۇگىن بۇل جەرگە ۇلى وتان سوعىسىنا قاتىسىپ، وتان ءۇشىن قان توككەن اتاپ- بابالارىمىزدىڭ ۇرپاقتارى كەلدى. بۇل اكتسيا سول اعا ۇرپاقتىڭ ەرلىكتەرى ەشقاشاندا ۇمىتىلمايتىندىعىن جانە بۇگىنگى ۇرپاقتىڭ بەيبىتشىلىكتى، قازاقستانىڭ ءوسىپ- وركەندەۋىن قالايتىندىعىن پاش ەتەدى»، - دەدى ول.
ونىڭ ايتۋىنشا، بۇگىنگى شاراعا 20 مىڭداي ادام قاتىستى.
«مىنا سۋرەتتە مەنىڭ اتام بەينەلەنگەن. ول سوعىسقا العاشقى كۇندەردەن باستاپ - كەڭەس- رۋمىن شەكاراسىندا كىرىسىپ، 1945 -جىلى 9 -مامىرعا دەيىن شايقاسقان. ول بەيبىت زاماندا دۇنيە سالدى. مەن بۇل اكتسياعا ەكىنشى رەت قاتىسىپ جاتىرمىن. ادامداردى وسىلايشا وتانعا دەگەن زور سۇيىسپەنشىلىك سەزىمنىڭ بىرىكتىرىپ جاتقانى مەنى ەرەكشە قۋانتادى»، - دەدى قولىنا اكەسىنىڭ پورترەتىن ۇستاعان الماتىلىق ازامات الەكساندر سوكولوۆ.
13 جاستاعى بورۋح شامايە دا باباسىنىڭ پورترەتىن ۇستاپ، وسى مارشقا قاتىسقانىن ماقتانىش تۇتاتىنىن ايتتى. ونىڭ باباسى 1945 -جىلعى 9 -مامىردا ۆەنادا قارسى العان ەكەن.
ايتا كەتەلىك، «ماڭگىلىك پولك» ازاماتتىق اكتسياسى 2012 -جىلى رەسەيدىڭ تومسك قالاسىندا باستاۋ العان بولاتىن. 2013 -جىلى بۇل شارا 120 قالادا، ال 2014 -جىلى جەتى ەلدىڭ 500 استام قالاسىندا ۇيىمداستىرىلدى. وعان جارتى ميلليوننان استام ادام قاتىستى.
اۆتور: ايبوتا جاپپاربەرگەن
