عالىمدار: ۇيالى تەلەفون مي راگىن تۋدىرمايدى

استانا. قازاقپارات - اۆستراليا عالىمدارى سوڭعى 30 جىلداعى ونكولوگيالىق دياگنوزدارعا تالداۋ جۇرگىزىپ، ۇيالى تەلەفوندار وبىر دەڭگەيىنە ەش اسەر ەتپەگەن دەگەن قورىتىندى جاسادى. زەرتتەۋ ناتيجەسىن Naked Science سايتى جاريالادى.

ۇيالى تەلەفونداردىڭ كەنەتتەن كوبەيىپ كەتۋى مي راگى اۋرۋىنىڭ كۇرت ارتۋىن بولدىرماعان.

زەرتتەۋ بارىسىندا اۆستراليالىق عالىمدار 1982-2012 -جىلدار ارالىعىنداعى 19858 ەر ادام

مەن 14222 ايەلدىڭ دياگنوزىن ساراپقا سالعان. وسى ارالىقتا سىرقاتتىڭ دەڭگەيى تۇراقتى بولعان. قاتەرلى ىسىك 70 جاستان اسقان ادامداردا ءجيى كەزدەسە باستاعان، الايدا بۇل ءۇردىس ۇيالى بايلانىس كەڭ تارالعاننان 5 جىل بۇرىن باستالعان.

زەرتتەۋشىلەردىڭ مالىمەتىنە سەنسەك، اۆستراليادا العاشقى ۇيالى تەلەفوندار 1987 -جىلى پايدا بولعان. ارادا 20 جىل وتكەن سوڭ ونى تۇرعىنداردىڭ 90 پايىزعا جۋىعى قولدانا باستاعان.

قاتەرلى ىسىكتىڭ كۇرت ءوسۋى 80- جىلدارى تىركەلگەن، الايدا بۇل ۇيالى بايلانىسقا قاتىسسىز، كەرىسىنشە راكتى انىقتاۋ ءادىسىنىڭ جەتىلدىرىلۋىنە بايلانىستى.