استانا وپەرا ارتىستەرى باۋىرجان مومىش ۇلىنىڭ ەسكەرتكىشىنە گۇل شوقتارىن قويادى
ونەر ۇجىمىنىڭ باسپا ءسوز قىزمەتىنىڭ حابارلاۋىنشا، ەلوردالىق تەاتر ۇلى مەرەكەگە جان-جاقتى دايىندالدى، بارشا ترۋپپا - وپەرا، بالەت سوليستتەرى، حور جانە سيمفونيالىق وركەستر «استانا وپەرا» ساحناسىندا وتەتىن شارالارعا اتسالىسادى. مۇنىمەن قاتار ارتىستەر ۇلى وتان سوعىسىنا قاتىسقان كەڭەس وداعىنىڭ باتىرى، پانفيلوۆشى باۋىرجان مومىش ۇلىنىڭ ەسكەرتكىشىنە تاعزىم ەتەدى. گۇل قويۋ ءراسىمى 11:20 وتەدى.
قازاقستاندىق باتىر، اتى اڭىزعا اينالعان قولباسشى ءوزىنىڭ ەرلىكتەرىمەن ايگىلى. ول ۇلى وتان سوعىسىنا 1941 -جىلدىڭ قىركۇيەك ايىنان باستاپ قاتىسىپ، گەنەرال- مايور پانفيلوۆ باسقارعان 316 اتقىشتار ديۆيزياسىندا بولعان. ماسكەۋ تۇبىندەگى شايقاستا پاش ەتكەن ەرلىگى ءۇشىن وعان 1942 -جىلى كەڭەس وداعىنىڭ باتىرى اتاعىن بەرۋ ۇسىنىلدى. الايدا بۇل ماراپاتقا ول تەك قايتىس بولعاننان كەيىن 1990 -جىلدىڭ 11 -جەلتوقسانىندا لايىقتى دەپ تانىلدى.
تەاتر سوليستەرى، وتانداستارىمىزدىڭ ەرلىگىن ۇمىتپاعان اسا ماڭىزدى ەكەنىن اتاپ ءوتتى.
- بۇل زۇلمات سوعىس قانشاما ادامنىڭ ءومىرىن قيدى. ءبىزدىڭ مىندەتىمىز - بۇگىنگى اسپانىمىزدىڭ اشىق بولۋىنا جانىن دا اياماعان ادامداردى ەستەن شىعارماۋ. قۋانىشتى مەرەكە بارشا جۇرتتى - ۇلكەندى- كىشىنى بىرىكتىرەدى. بەيبىت ومىرگە قول جەتكىزۋ ءۇشىن ەرلىك جاساعاندار جايلى ەستەلىك ۇرپاقتان ۇرپاققا جەتكىزىلەدى، - دەيدى «استانا وپەرا» ارتىستەرى.
كەڭەس وداعىنىڭ باتىرى باۋىرجان مومىش ۇلىنا ارنالعان ەسكەرتكىش ەسىل وزەنىنىڭ جاعاسى ماڭىنداعى، ب. مومىش ۇلى داڭعىلىنداعى (استانا ق. ) ءوزىنىڭ اتىمەن اتالعان گۇل باقتا ورنالاسقان.
