اقتوبەدە كولىكتەر قاراقشىسى پوليتسيادان شىعا سالىپ، تاعى ۇرلىق جاسادى
كۇدىكتى ەر ادام زاۆودسكوي پوليتسيا بولىمىنە جەتكىزىلىپ، وندا مويىنداۋ تۇسىنىكتەمەسىن بەردى. ق ر ق ك- ءنىڭ 188-بابى (ۇرلىق) بويىنشا قىلمىستىق ءىس قوزعالدى. باپقا سايكەس، ۇستالعان ەر ادامعا قاتىستى «كەلۋ تۋرالى مىندەتتەمە» بۇلتارتپاۋ شاراسى تاعايىندالىپ، ول ۇيىنە جىبەرىلدى.
ءبىراق «جازانى ىزگىلەندىرۋ» كۇتىلگەن وڭ اسەرىن بەرە قويمادى. بىرنەشە ساعاتتان كەيىن جول-پاترۋلدىك پوليتسيا باتالونىنىڭ قىزمەتكەرلەرى بۇل ەر ادامدى جاڭا ۇرلىق ۇستىندە ۇستادى - بۇل جولى ول «فولكسۆاگەن-ترانسپورتەر» شاعىن اۆتوبۋسىن اشىپ، ىشىنەن ماگنيتولا مەن انتيراداردى ۇرلاپ الدى. ۇرىنى ۇستاۋدىڭ ەكى وقيعاسىندا دا وبلىستىق ءى ءى د جەدەل باسقارما ورتالىعىنىڭ تەحنيكالىق قۇرالدارى، سونىڭ ىشىندە وبلىس ورتالىعىنىڭ اۋماعىندا بەينەباقىلاۋ جۇيەسى جۇمىلدىرىلعانىن اتاپ ءوتۋ كەرەك.
وبلىستىق ءى ءى د- ءنىڭ باسپا ءسوز قىزمەتىنەن اتاپ وتكەندەي، جاۋاپ الۋ كەزىندە ۇستالعان ەر ادام اقتوبە قالاسىنىڭ اۋماعىندا وسىعان ۇقساس ءتورت قىلمىستى جاساعانىن مويىندادى.
