ۇلتتىق ۇلان ساربازدارى ارداگەرلەرگە قۇرمەت كورسەتتى - فوتو
ءىس-شارانى قۇتتىقتاۋ سوزدەرىمەن اشقان ۇلى وتان سوعىسىنىڭ ارداگەرلەرى مەن تىل مايدانگەرلەرىن جانە بارشا جەكە قۇرامدى جەڭىستىڭ 71 جىلدىعىمەن، سونىمەن قاتار وتان قورعاۋشىلار كۇنى مەرەكەسىمەن قۇتتىقتادى.
«ۇلى جەڭىس مەيرامى قازاقستان حالقىنىڭ ەرلىگىن، باتىلدىعىن، ابىرويىن اسقاقتاتۋمەن قاتار، بەيبىت ءومىر مەن وتان ءۇشىن جانىن قيعان جاۋىنگەرلەردى ەسكە الاتىن ەرەكشە ماڭىزدى مەرەكە. وسىنداي مەرەكەنىڭ جالعاسىپ كەلە جاتقانىنا بيىل 71 جىل، جانە ونىڭ تويلانۋىنىڭ تاۋەلسىزدىگىمىزدىڭ 25 جىل تولۋىمەن تۇسپا-تۇس كەلىپ جاتقانى ءبىز ءۇشىن جانە قۋانىش»، - دەدى «وڭتۇستىك» وڭىرلىك قولباسشىلىعى قولباسشىسىنىڭ تاربيە جانە الەۋمەتتىك-قۇقىقتىق جۇمىستارى جونىندەگى ورىنباسارى، پولكوۆنيك نۇرباي بەكتۇرسىنوۆ.
ن. بەكتۇرسىنوۆ ۇلتتىق ۇلاننىڭ قازىرگى زامانعى اسكەري قىزمەتشىلەرىنىڭ ەرلىگىن دە اتاپ ءوتتى.
«اسىرەسە كۇنى كەشە عانا ەلباسىنىڭ جارلىعىمەن ءوز ءومىرىن قاتەرگە تىگىپ، جاس ساربازدى ولىمنەن اراشالاپ قالعان پولكوۆنيك قايرات ۇمبەتوۆتىڭ قازاقستانداعى ەڭ ۇلكەن ناگرادا «حالىق قاھارمانى» اتاعىنا قول جەتكىزۋى لايىقتى زور ماقتانىش بولدى. بۇل - ناعىز ەرلىكتىڭ ۇلگىسى»، - دەدى ول.
ۇدايى جاس ساربازدارعا پاتريوتتىق ءتالىم-تاربيە بەرىپ كەلە جاتقان «وڭتۇستىك» وڭىرلىك قولباسشىلىعى ارداگەرلەر كەڭەسىنىڭ ءتوراعاسى گەننادي فالەيەۆ پەن ىشكى اسكەرلەر ارداگەرى ۆاسيلي مەزين دە بارشا اسكەري قىزمەتشىلەردى ءتول مەرەكەلەرىمەن قۇتتىقتاپ، ۇلى وتان سوعىسىنىڭ ارداگەرلەرى مەن تىل مايدانگەرلەرىنە جۇرەكجاردى سوزدەرىن ارنادى.
رەسمي بولىمنەن سوڭ ىشكى ىستەر ءمينيسترىنىڭ جانە ۇلتتىق ۇلان باس قولباسشىسىنىڭ اتىنان «وڭتۇستىك» وڭىرلىك قولباسشىلىعىنىڭ قولباسشىسى، گەنەرال-مايور الىبەك سەراليەۆ قىزمەتتىك مىندەتتەرىن ادال اتقارىپ، ۇزدىك جەتىستىكتەرگە قول جەتكىزگەن وفيتسەرلەر مەن كەلىسىمشارت اسكەري قىزمەتشىلەرىن كوتەرمەلەۋ تۋرالى ىشكى ىستەر ءمينيسترىنىڭ، ۇلتتىق ۇلان باس قولباسشىسىنىڭ جانە «وڭتۇستىك» وڭىرلىك قولباسشىلىعى قولباسشىسىنىڭ بۇيرىقتارىن وقىپ، ۇزدىك اسكەري قىزمەتشىلەرگە مەدالدار، گراموتالار جانە باعالى سىيلىقتار تابىس ەتتى.
ءىس-شارا سوڭىندا ۇلى وتان سوعىسىنىڭ ارداگەرلەرى مەن تىل مايدانگەرلەرىنە ارنالىپ داستارحان جايىلدى.
