ۇلتتىق ەكونوميكا مينيسترلىگى جەر قاتىناستارىن رەتتەۋ سالاسىنداعى قىزمەتىن اۋىل شارۋاشىلىعى مينيسترلىگىنە تاپسىرادى
وتىرىس بارىسىندا پرەمەر-مينيستر «پرەزيدەنت تاراپىنان جالپى ۇكىمەتكە جانە جەكە مينيسترلىكتەرگە قاتىستى جەر زاڭناماسىن جۇزەگە اسىرۋ ماسەلەلەرى بويىنشا ورىندى سىن ايتىلعانىن» باسا ايتتى.
«بۇگىن ءبىز مەملەكەت باسشىسىنىڭ تاپسىرمالارىنا سايكەس بىرنەشە شەشىمدەر قابىلداۋىمىز قاجەت»، - دەدى ك. ءماسىموۆ.
سونىمەن، پرەمەر-مينيستر مىنالاردى تاپسىردى:
- ورتالىق جانە جەرگىلىكتى اتقارۋشى ورگاندارعا مەملەكەت باسشىسى جاريالاعان جەر كودەكسىنىڭ كەيبىر نورمالارىنا كەلەسى جىلعا دەيىنگى موراتوريدەن تۋىندايتىن سايكەس شارالار قابىلداۋ.
- قىسقا مەرزىمدە پرەمەر-ءمينيستردىڭ ءبىرىنشى ورىنباسارى ب. ساعىنتايەۆتىڭ باسشىلىعىمەن جەر زاڭناماسىن ءتۇسىندىرۋ بويىنشا كوميسسيانىڭ ءتيىمدى جۇمىسى ءۇشىن قاجەتتى شارالار قابىلداۋ.
- جەر قاتىناستارىن رەتتەۋ سالاسىنداعى ماسەلەلەردى ۇلتتىق ەكونوميكا مينيسترلىگىنەن اۋىل شارۋاشىلىعى مينيسترلىگىنە تاپسىرۋ.
- ينۆەستيتسيالار جانە دامۋ مينيسترلىگىنەن اقپارات سالاسىنداعى سايكەس فۋنكتسيالاردى تاپسىرا وتىرىپ، قازاقستان رەسپۋبليكاسىنىڭ جاڭا مينيسترلىگىن قۇرۋ بويىنشا قاجەتتى راسىمدەر جۇرگىزۋ.
- دەنساۋلىق ساقتاۋ جانە الەۋمەتتىك دامۋ مينيسترلىگىنە مىندەتتى مەديتسينالىق ساقتاندىرۋدى ەنگىزۋ بويىنشا ءىس-قيمىلدىڭ جول كارتاسىن ازىرلەۋ.
- ءبىلىم جانە عىلىم مينيسترلىگىنە ورتا مەكتەپتەردە وقۋ جىلىن ۇزارتۋ ماسەلەلەرى بويىنشا جانە ءۇش ءتىلدى ءبىلىم بەرۋدى ەنگىزۋ مەرزىمدەرى تۋرالى قوعامنىڭ پىكىرىن زەرتتەۋ.
- پرەمەر-ءمينيستردىڭ ورىنباسارى داريعا نازاربايەۆاعا وڭىرلەردەگى كونسۋلتاتسيالىق ورتالىقتارمەن بىرگە ۇكىمەت جانىنداعى ءبىرىڭعاي сall-ورتالىق - جۇرگىزىلگەن رەفورمالار تۋرالى ءتۇسىندىرۋ ءۇشىن «جەدەل جەلى» قۇرۋ.
