شىمكەنتتە «وڭتۇستىك بارىسى» انىقتالدى
«وڭتۇستىك بارىسىن» باپكەرلەر شىمكەنتتە ورنالاسقان جوعارى شەبەرلەر سپورت مەكتەبىنىڭ عيماراتىندا انىقتادى. بەلدەسۋگە كەلگەن بالۋانداردىڭ سالماعى 80 كەلىدەن تومەن بولماۋى ءتيىس. جارىس باسىنان-اق، شىمكەنتتىك جۇمانازار ەرسۇلتانوۆ ەپتىلىك تانىتتى. بەلدەسۋىنىڭ باسىم بولىگىن تازا جەڭىسپەن ۇتتى.
ەستەرىڭىزگە سالساق، جۇمانازار «قازاقستان بارىسىندا» قولادان القا تاققان بولاتىن. تاجىريبەلى بالۋان بۇل جولى دا باس جۇلدەنى جەڭىپ الدى. ورداباسىنىڭ تۋماسى 150 مىڭ تەڭگە مەن رەسپۋبليكالىق «قازاقستان بارىسىنا» جولداماعا يە بولدى.
ال، ەكىنشى ورىندى جانە 75 مىڭ تەڭگەنى نۇرسۇلتان مىڭعىشيەۆ ەنشىلەدى. وتكەن جىلى دا بۇل جارىستا كۇمىستەن القا تاققان جەرلەسىمىز بيىل دا سول كورسەتكىشىن قايتالاي ءبىلدى.
ەندى، قوس پالۋان شىلدەنىڭ 3 ءى كۇنى استانادا وتەتىن «قازاقستان بارىسىندا» وبلىس نامىسىن قورعايتىن بولادى.
